Marku 16:17 - ICIGHAN BIBILO

¹⁷ Uivande mban kpaa vea zaan a mbananjighjigh ityô; ken iti Yam je, vea dugh ujijingi mba bov, man shi vea ôr kwagh ken ijô i he kpaa;

Marku 16:17 Iomraidhean Croise

Marku 9:38

Tsô Yohane gema kaa a Na er: Ortesen, se nenge orgen u a dondo sha a vese ga, ngu dughun ujijingi mba bov ken iti You, yô, se yange un sha ci u a dondo sha a vese ga yô.

Luka 10:17

Tsô mba akunduatargber mbala hide a iember, gba kaan er: Tere, ujijingi mba bov je kpaa hingir sha ikev yase ken iti You.

YOHANE 14:12

Mimi mimi je, M kaan ne ne, u nan nem jighjigh yô, ityom i M eren ne, nan kpaa nana er i; i i hembe ingin je kpaa nana er, sha ci u M lu yemen hen Ter yô.

Aerenakaa A Mbaapostoli 10:46

Gadia ve ungwa ve lu ôron kwagh ken ijô igen, ve lu civir Aôndo. Tsô Peteru gema kaa er:

Aerenakaa A Mbaapostoli 16:18

Eren nahan ayange imôngo je. Kpa er i nyôr Paulu iyol yum yô, a gema, a kaa a jijingi la er: M ngu kaan we ken iti i Yesu Kristu, due ker a na kera.

Aerenakaa A Mbaapostoli 19:6

Tsô er Paulu pende ave sha a ve yô, Icighan Jijingi haa sha a ve, ve gba ôron kwagh ken ijô igen, ve ôr kwaghôron u profeti.

Aerenakaa A Mbaapostoli 2:33

Er i kende Un sha a lu ken uwegh ku yanegh ku Aôndo man er A ngohol ityendezwa i Icighan Jijingi hen Ter A haa Un yô, ka kwagh shon u ne lu nengen shi ne lu ungwan kpaa je ne.

Aerenakaa A Mbaapostoli 5:16

Man ken agar agen a a kase Yerusalem la kpaa ikpelaior kohol, ve lu van a mbauangev man shi mba ujijingi mba hôngorouv ve ze ve iyol kpaa; nahan ve cii kpaa i war ve.

Aerenakaa A Mbaapostoli 8:7

Gadia ujijingi mba hôngorouv kpishi due hen ior mba ve lu a mi la, ve lu genger imo taver taver; i war mbasombon man mbakeer kpaa kpishi je.

1 Mbakorinte 12:10

Orgen yô, ka aeren a sha agee, orgen yô, ka u ôron kwaghôron u profeti, orgen yô, ka u karen ujijingi, orgen yô, ka u lamen ijô kposo kposo, orgen yô, ka u pasen ijô.

1 Mbakorinte 12:28

Man Aôndo ver mbagenev ken nongo u Kristu: hiihii yô, ka mbaapostoli, u dondon yô, ka uprofeti u cirin yô ka mbatesen, u gbiren sha mi yô, ka ityom i ageegh, u masen la yô, ka uiwua mba sha mrumun u sha mhôôn sha u been angev, man uiwasen man mnenge u nengen sha akaa, man ijô kposo kposo kpaa.

1 Mbakorinte 12:30

Ka ve cii ve lu a uiwua mba sha mrumun u sha mhôôn sha u been angev yee? Ka ve cii ve lu lamen ijô yee? Ka ve cii ve lu mbapasen ijô yee?

1 Mbakorinte 13:1

Aluer mea ôron kwagh sha ijô i ior man i mbatyomov mba Shaav je kpaa, mea lu a dooshima ga yô, m hingir er iyôgh ki uvan nahan, shin kwen u kaan.

1 Mbakorinte 14:2

Or u lamen ijô yô, ka ior nan er kwagh a ve ga, kpa ka Aôndo je, gadia or môm kpaa nan ongo ga, nan ngu ôron akaa a myer ken jijingi.