Marku 16:16 - ICIGHAN BIBILO

¹⁶ U nana na jighjigh man á er nan batisema yô, á yima nan. Kpa u nana na jighjigh ga yô, á ôr nan ijir á na nan ibo.

Marku 16:16 Iomraidhean Croise

Mateu 28:19

Nahan yô, za nen, za gema nen akuraior cii a̱ hingir mbahenen, eren nen ve batisema ken iti i Ter man Wan man Icighan Jijingi.

Marku 1:15

Ayange kuma, tartor u Aôndo mgbôghom ve; gema nen asema, na nen Loho u Dedoo ne jighjigh.

Luka 8:12

Mba sha gbenda yô, ka mba ve ungwa tsô diabolo va, va tsuwe ve kwaghôron la ken asema kera, sha u ve̱ de ne jighjigh i̱ yima ve ga.

YOHANE 20:31

kpa mban yô, i nger ve sha er ne̱ na jighjigh er Yesu A lu Kristu, Wan u Aôndo je yô, er ne̱ zua a uma ken iti Na er ne ne jighjigh yô.

YOHANE 3:36

U nan ne Wan jighjigh yô, nan ngu a uma u tsôron; kpa u nan hembe Wan ato yô, nana nenge a uma ashe ga, kpa iyugh i Aôndo ngi sha a nan.

YOHANE 3:5

Yesu gema kaa er: Mimi mimi je, M kaan we ne, saa á mar or sha mnger kua Jijingi, gayô, nana fatyô u nyôron tartor u Aôndo ga.

YOHANE 5:24

Mimi mimi je, M kaan ne ne, or u nan ongo kwaghôron Wam man nan ne Un u A tindim la jighjigh yô, nan ngu a uma u tsôron, nan ngu van hen ijirôron kpaa ga, kpa nan due ken ku, nan nyôr ken uma ve.

YOHANE 6:29

Yesu gema kaa a ve er: Tom u Aôndo yô, ka u ne: Ka u ne na Un u A tindi Un la jighjigh.

YOHANE 6:35

Yesu kaa a ve er: Mo M ngu kwaghyan u uma; or u nana va her a Mo yô, ijen ia kera kôr nan mayange ga; man shi or u nana nam jighjigh yô, imura kpaa ia kera kôr nan mayange ga.

YOHANE 6:40

Gadia ishima i Terem ka i ne: Hanma or u nan nenge a Wan, shi nan ne Un jighjigh yô, nana̱ zua a uma u tsôron, man Mo kpaa Me nder nan sha iyange i masetyô.

YOHANE 8:24

Ka nahan man M kaa a ven Mer: Né kpe ken isholibo yen ye; gadia aluer ne na jighjigh ner, Mo M ngu Un ga yô, né kpe ken asorabo a en.

Aerenakaa A Mbaapostoli 10:43

Uprofeti cii mba pasen Un er, ka ken iti Na je man hanma or u nan ne Un jighjigh yô, á de nan asorabo a nan ye.

Aerenakaa A Mbaapostoli 13:39

man shi ka her a na kpaa man hanma or u nan ne jighjigh yô, á na nan ishô sha akaa cii a ne fetyô u zuan a ishô sha mi ken atindiakaa a Mose la ga ye.

Aerenakaa A Mbaapostoli 13:46

Kpa Paulu man Barnaba gba ôron kwagh vangertiôr. Ve kaa er: Ka ne i gbe u á vande ôron ne kwaghôron u Aôndo kpee je ye. Kpa er ne mgbegh un her a ven kera nahan, man shi ne nenge er ne kuma uma u tsôron ga yô, nenge, se gema ishigh her atôatyev ve.

Aerenakaa A Mbaapostoli 2:38

Nahan Peteru kaa a ve er: Gema nen asema, i̱ er hanmô wen batisema ken iti i Yesu Kristu sha mde u asorabo a en, tsô né ngohol Icighan Jijingi iwua je.

Aerenakaa A Mbaapostoli 2:41

Mba ve rumun kwaghôron na la i er ve batisema; sha iyange la i seer ior er dubu utar nahan.

Aerenakaa A Mbaapostoli 22:16

Man hegen yô, ka nyi u timbiri? Mough sha, i̱ er u batisema, i̱ ôô u asorabo a ou kera, i̱ yila sha iti Na.

Mbaromanu 3:6

A lu nahan yô, Aôndo Una ôr tar ijir nana?

Mbaromanu 4:24

kpa ka sha ci wase kpaa, ka se mba á na se ishô la, se mba se ne Un u A nder Ter wase Yesu shin ku la jighjigh.

2 Timoteu 1:8

ken igyamusu; Una tsaha mba ve fe Aôndo ga man shi mba ve we Loho u Dedoo u Ter wase Yesu iko ga la kpaa.

2 Timoteu 2:12

sha er á ôr ior cii ijir mba ve ne kwagh u mimi jighjigh ga man ifer i gem i maa ve iyol la.

1 Peteru 1:21

Ka sha a Na man ne lu mbanan Aôndo jighjigh u A nder Un shin mbakpenev shi A na Un icivir kpaa, sha er jighjigh wen u nan man ishimaverenkeghen yen ve lu sha Aôndo.

1 Peteru 3:21

Ma tese ikav sha batisema u ne kpaa ne lu waren sha mi hegen yô; batisema ka u wanger hôngor u sha iyol kera ga, kpa ka msen u sônon Aôndo imo i wanger wanger i ken ishima sha mnder u Yesu Kristu shin ku.

Mpase U Yohane 20:15

Man aluer i nenge i nger or ken ruamabera u uma la ga yô, i kende nan ken berusu je.

Mpase U Yohane 21:8

Kpa mbaciankwagh man mbanan jighjigh ga, man mba kwagh ve a ndôhôr ishima la man mbawuanior man mbadyarev man mbaahiriv man mbacivirakombo man mbaerenaie cii, kwar ve ngu ken ber u a lu hian sha usu man sulfur, ka ku u sha uhar je la.