Marku 16:15 - ICIGHAN BIBILO

¹⁵ A kaa a ve er: Zende nen sha won cii, za ôr nen uumace cii Loho u dedoo ne.

Marku 16:15 Iomraidhean Croise

Upasalmi 22:27

Akighir a tar cii aa umbur, aa gema aa rumun TER; icombor i akuraior cii ia gure sha ishigh You ia civir We;

Upasalmi 96:3

Pase akuraior iengem Na, man akaa a Na a kpilighyol kpaa hen ior cii.

Upasalmi 98:3

A umbur erdoo Na man jighjigh Na a ya u Iserael, akighir a tar cii nenge myom u Aôndo wase.

Yesaia 45:22

Gema nen her a Mo, i̱ yima ne, ne akighir a tar cii; gadia M ngu Aôndo, mô ugen kpaa ngu ga.

Yesaia 49:6

A kaa er: Kwagh ne yina sha a We sha u Ú lu Wanakiriki Wam sha u moughon a ikwe i Yakob sha, man u hiden a mba ve wer ken Iserael la, M ver Ú lu Wanakiriki Wam sha u moughon a ikwe i Yakob sha, man u hiden a mba ve wer ken Iserael la, M ver U Mer, lu iwanger i akuraior, sha u myom Wam a̱ ar zan zan ken ikighir i tar je.

Yesaia 52:10

TER bugh icighanwe Na sha ashe a akuraior cii; akighir a tar cii kpaa, aa nenge myom u Aôndo wase.

Mateu 28:19

Nahan yô, za nen, za gema nen akuraior cii a̱ hingir mbahenen, eren nen ve batisema ken iti i Ter man Wan man Icighan Jijingi.

Marku 13:10

Kpa á vande ôron akuraior cii Loho u Dedoo ne keng.

YOHANE 15:16

Ka ne ne tsoughom ga, kpa ka Mo je M tsough ne ye; man M ver ne sha er né za, né za ume atam yô, atam a en kpaa a̱ luun zan zan, sha er nyi ityôkwagh i ne sôn Ter ken iti Yam yô, Una er ne i.

YOHANE 20:21

Tsô Yesu shi kaa a ve er: Bem a̱ lu sha a ven. Er Ter A tindim yô, Mo kpaa M ngu tindin ne nahan.

Aerenakaa A Mbaapostoli 1:2

zan zan ar sha iyange i i ngohol Un Sha la; mbaapostoli mba A sange ve la, A vande kaan ve akaa sha Icighan Jijingi a ve̱ er a la; er ican Na la i bee yô,

Aerenakaa A Mbaapostoli 1:8

Kpa né va ngohol agee shighe u Icighan Jijingi Una va sha a ven yô, man né lu mbapasen kwagh Wam ken Yerusalem man ken Yudia cii kua Samaria kpaa, zan zan á ar ken ikighir i tar je.

Mbaromanu 10:18

Nahan m ngu pinen mer: Ve ungwa ga shinii? Ve ungwa je: Imo ve samber sha tar sha won cii, akaaôron a ve kpaa za ar sha akighir a taregh.

Mbaromanu 16:26

Kpa i va a mi ken igbar hegen shi mba pasen un sha uruamabera mba uprofeti hen akuraior cii, sha u a̱ wa jighjigh u nan la iko—

Mbaefese 2:17

Man A va a Loho u Dedoo A yôô bem sha ci wen mba ne lu ica man bem sha ci u mba ve lu ikua ikua kpaa.

Mbakolose 1:23

Saa né tile sha jighjigh u nan dông, né tenger ga, man á mgbeghan ne sha ishimaverenkeghen i Loho u Dedoo u ne ungwa la kera kpaa ga, u i yôô u hen akaa a i gbe a sha won cii, man mo, Paulu, m hingir ortom u u.

Mbakolose 1:6

U nyôr ken ven di er u nyer sha won cii nahan, ngu umen atam, ngu vesen di er ken ven nahan, hii sha iyange i ne ungwa man ne va fa mrumun u sha mhôôn u Aôndo sha mimi la.

1 Yohane 4:14

Se yô, se nenge man se mba eren shiada ser, Ter tindi Wan sha u A̱ lu Oryiman u tar.

Mpase U Yohane 14:6

M shi m nenge ortyom u Sha ugen lu purugh sha kwavaôndo lu a Icôronloho u Dedoo u yôôn hen mba ve tem shin tar cii, hen hanma ikurior man hanma nongo man hanma zwa man hanma nongoior.