Marku 14:72 - ICIGHAN BIBILO

⁷² Fese nahan ikegh maa tôngo i sha kwa har la; tsô Peteru umbur mkaanem ma Yesu kaa un er: Ikegh ia lu a tôngo kwa har ga, tsô ú nyiman kwa tar je wer, u fam ga. Umbur nahan yô, a gba vaan.

Marku 14:72 Iomraidhean Croise

2 Samuel 24:10

Tsô ishima na Davidi ibo zum u a ôr iyenge i ior kera la. Nahan Davidi kaa a TER er: M er kwaghbo kpishi je sha kwagh u m er ne; nahan kpaa, TERE, shi ese ibo i wanakiriki Wou ne kera; gadia m er ibumekwagh tsô.

Esekiel 16:63

sha u u̱ umbur man u̱ va ahenge, man u̱ kera seer u bughun zwa wou ga, sha ci u kunya wou, zum u M de u akaa a ou a u er cii yô, kape Ter AÔNDO A kaa ne.

Esekiel 36:31

Sha shighe la né umbur igbenda yen i bo, man aeren a en a a doo ga la; nahan kwagh wen una ndôhôr ne ishima, sha ci u afer a en, man akaa a en a ndôhôrshima la.

Esekiel 7:16

Shin er mbagenev vea war kpaa, vea lu sha iwo er mbaatii mba shin upev nahan, ve cii vea gber kwelegh, hanma or sha iferkwagh i nan.

Mateu 26:34

Yesu kaa a na er: Mimi je M kaan we ne, hen tugh mbun ne, er ikegh ia lu a tôngo ga je tsô, ú nyiman kwa tar je wer, u fam ga.

Marku 14:30

Yesu kaa a na er: Mimi je M kaan we ne, nyian hen tugh mbun, er ikegh ia lu a tôngo kwa har ga je tsô, ú nyiman kwa tar wer, u fam ga.

Marku 14:68

Kpa a tuna a kaa er: M fa kwagh u u er ne ga, kaven tsô kpaa m kav ga. Tsô a due sha puadwer.

Marku 14:71

Kpa a gba tuhwan, bumun kpaa er: Mayange m fa Or u ne teren Un ne ga.

Luka 22:60

Kpa Peteru kaa er: We, or ne, mayange m fa kwagh u u kaan ne ga! Fese je, ngur ôron kwagh nahan yô, ikegh maa tôngo.

Luka 22:62

Tsô a due a gba za vaan tsung.

2 Mbakorinte 7:10

Gadia ishima i vihin i i dugh her Aôndo ka i na mgemshima u zan ken myom u á kera vaa afanyô sha mi ga yô, kpa ishima i vihin i tar ne yô i ne ku je.