Marku 14:62 - ICIGHAN BIBILO

⁶² Yesu kaa er: Ka Mo Un je ne; man né nenge Wan u or, Una tema ken uwegh ku yanegh ku Ageegh la, Una va a abeen a sha kwavaôndo imôngo.

Marku 14:62 Iomraidhean Croise

Upasalmi 110:1

TER kaa a Terem er: Temam ken uwegh ku yanegh, zan zan Me gema mbaihomov Ou vea hingir We kwagh u pendan angahar sha mi.

Mateu 24:30

Tsô zum la ikav i Wan u or ia due sha aôndo. Zum la akuraior a sha won cii aa ta ave sha vanger, man aa nenge a Wan u or Una lu van sha abeen a sha kwavaôndo a agee a vesen kua iengem kpaa.

Mateu 26:64

Yesu kaa a na er: U kaa tsô! Kpa M ngu kaan ne Mer; hii hegen je né nenge Wan u or Una tema ken uwegh ku yanegh ku Ageegh, man Una va sha abeen a sha kwavaôndo.

Mateu 27:11

Tsô Yesu tile sha ishigh ki gomna. Gomna pine Un er: U ngu tor u Mbayuda? Yesu kaa er: U kaa tsô.

Marku 13:26

Hen shighe la, á nenge Wan u or Una va sha abeen, a agee a vesen kua iengem.

Marku 15:2

Pilatu pine Un er; U ngu tor u Mbayuda? A gema A kaa a na er: U kaa tsô.

Marku 16:19

Tsô zum u Ter er ve kwagh kera yô, i yem a Na Sha, A za tema ken uwegh ku yanegh ku Aôndo.

Luka 22:69

Kpa hii hegen je zan zan Wan u or Una tema ken uwegh ku yanegh ku agee a Aôndo.

Luka 23:3

Pilatu pine Un er: We, U ngu tor u Mbayuda? A gema A kaa a na er: U kaa tsô.

Mbaheberu 1:3

Un yô, ka mmondo u iengem Na man shi eev mbu mlu Na vough kpaa. Ngu a akaa cii sha ave Na sha kwaghôron u sha agee a Na la. Er A wanger asorabo kera yô, A za tema sha uwegh ku yanegh ku Icivirigh.

Mbaheberu 12:2

Sé veren nen ashe sha Yesu Orhemen man Orkuren u jighjigh wase u nan, Un u A taver ishima a terankon, a kera wa kunya iko ga sha ci u iember i i ver Un sha ishi la, A za tema sha uwegh ku yanegh ku ikônough ki Aôndo ki torough.

Mbaheberu 8:1

Tamenkwagh u ken akaa a se lu ôron ne yô, ka ngun. Se mba a inja zegepristi ne u A za tema sha uwegh ku yanegh ku ikônough ki torough ki Icivirigh Sha.

Mbaheberu 8:10

Gadia ka ikuryan Yam i Me ya a ya u Iserael je ne, er ayange a ngara aa kar kera yô, kape Ter A kaa la. Me ver atindiakaa Am ken mhen ve shi ka ken asema a ve kpaa Me nger a ye. Me lu Aôndo ve ve di kpaa vea lu nongoior Wam.

2 Peteru 1:16

Gadia zum u se va pase ne agee man m-ande u Ter wase Yesu Kristu la yô, kera lu sha gbenda u ukwaghhir mba i dugh a dugh sha kwaghfan la se lu zan ga, kpa se lu mba se nenge a nenge iengem Na sha ashe je.

Mpase U Yohane 1:7

Nenge, ngu van sha abeen man hanma ashe aa nenge a Na, kua ve mba ve kuma Un la kpaa. Akuraior a sha won cii aa vaa sha ci Na. Kape i lu je la. Amen.

Mpase U Yohane 20:11

Shi m nenge zegeikôn u pupuu u tor. Un u A tema sha mi la yô, tar man Sha yevese sha ishigh Nagh kera, ian kera lu sha ci ve mape ga.