Marku 14:6 - ICIGHAN BIBILO

⁶ Kpa Yesu kaa er: De nen un; ka nyi ne ze un iyolo? A erem kwagh u dedoo.

Marku 14:6 Iomraidhean Croise

Yesaia 54:17

Hanma ityumugh ki i var sha ci u vihin we iyol, ikôl ia lagh ki ga; hanma zwa u ua mough ua hendan a we sha ijir kpaa, ú hemba u. Kwagh ne ka dyako u mbayev mba TER kua perapera ve u a dugh her a Mo je ne, kape TER A kaa la.

Mateu 26:10

Kpa er Yesu kav nahan yô, A kaa er: Ka nyi ne ze kwase ne iyolo? A erem kwagh u dedoo.

Marku 14:5

Gadia mkurem man kuma u ma i tee ma, ma i yam inyaregh ma i hembe sule deri utar je, ma i ne mbaatsanev; ishima vihi ve a na kpishi.

Marku 14:7

Gadia ne mba a mbaatsanev a ven imôngo gbem, hanma shighe u i sar ne cii kpaa ne fatyô u eren a ve dedoo; kpa Mo yô, né lu a Mo gbem ga.

Aerenakaa A Mbaapostoli 9:36

Orhenen ugen u kwase lu ken Yopa, iti na er Tabita, inja na yô, er Dorka. Kwase la lu a aeren a dedoo kpishi, man iwua i nan kpaa.

2 Mbakorinte 10:18

Gadia ka or u nan wuese iyol i nan la man á rumun nan ga, kpa ka or u Ter A wuese nan la.

2 Mbakorinte 9:8

Aôndo fatyô u nan ne mrumun u sha mhôôn cii wuee, sha u hanma shighe né lu a hanma kwagh á kuma sha hanma gbenda cii man shi né na kwagh wuee sha hanma tom u dedoo yô.

Mbaefese 2:10

Gadia se mba tomaveegh Na, i gba se ken Kristu Yesu sha ci u aeren a dedoo a Aôndo vande sôron sha u se̱ zenden sha mi yô.

Mbakolose 1:10

sha u ne̱ zende zende u u kom Ter, ne̱ doon Un ken akaa cii, ne̱ umen atam ken hanma tom u dedoo, shi ne̱ vesen ken kwaghfan u Aôndo,

2 Timoteu 2:17

A̱ sur ne asema, A̱ taver a sha hanma tom u dedoo kua kwaghôron u dedoo kpaa.

1 Timoteu 5:10

u i er nan shiada sha aeren a dedoo, er nan lu yesen ônov mba nan man nan lu eren a mbavannya dedoo man nan lu ôôn uicighanmbaiorov angahar, man nan lu wasen mbaatsanev man nan lu pendan ishima sha hanma ieren i dedoo cii.

1 Timoteu 6:18

Ve̱ eren akaa a dedoo ve̱ lu mbanyarev sha aeren a dedoo, ve̱ naan iwua, ve̱ panden kwagh ve̱ naan mbagenev kpaa,

WASHIKA U SHA UHAR U PAULU APOSTOLI TINDI HEN TIMOTEU - 2TI 2:21

Aluer or nana dugh akaa ne ken iyol i nan kera yô, nana lu ikagh ki icivirigh ki i tsegha ki, ki lu or u ki a inja kpishi yô, ki i ser ki sha ci u hanma tom u dedoo yô.

WASHIKA U SHA UHAR U PAULU APOSTOLI TINDI HEN TIMOTEU - 2TI 3:17

sha u or u Aôndo nana̱ kuma nana̱ lu a ago iyol sha ci u hanma tom u dedoo.

Titu 2:14

u A ne iyol Na sha ci wase sha u Una paa se sha hanma ifer cii man shi Una wanger nongoior sha ci Na iyol Na, mba asema a tsee ve u eren akaa a dedoo.

Titu 2:7

Lu ve ikav i tesen sha aeren a dedoo man sha ityesen i mimi man mlu u sha inja sha inja

Titu 3:14

Ior mba ken vese ve̱ hen er vea er ityom i injaa sha u wasen sha ugbayol yô, atam a̱ de banen hen a ve ga.

Titu 3:8

Kwaghôron ne ka u jighjigh, sarem pe we ôron akaa ne sha gbashima sha u mba ve suur sha Aôndo yô, ve̱ ver ishima ve̱ tile sha aeren a dedoo her. Ka a je a doo ior shi a lu ve a inja kpaa ye.

Mbaheberu 10:24

Sé wa nen ayol a ase iko, sé taver nen ayol a ase asema u lun a dooshima man aeren a dedoo.

Mbaheberu 13:21

A̱ na ne sha u né lu vough sha hanma kwagh u doon cii sha u eren ishima Na, gadia ngu eren kwagh u a doo Un la ken a vese sha Yesu Kristu u A lu a icivir gbem sha won yô. Amen.

1 Peteru 2:12

Zende wen u hen atôatyev u̱ lu wanger wanger, sha u aluer mba lamen sha a ven er ka mbaaferev yô, ve̱ nengen aeren a en a dedoo man ve̱ civir Aôndo sha iyange i Una va sôron ne la.