Marku 14:41 - ICIGHAN BIBILO

⁴¹ A shi A va mve u sha kwa tar la, A kaa a ve er: Gba yaven nen hegen tsô, mem nen. Kuma ve; shighe va ve; nenge, mba nan Wan u or sha ikev i mbaasorabo.

Marku 14:41 Iomraidhean Croise

1 Utor 18:27

Tsô ka kom er iyange sha tembe nahan yô, Eliya gba nahan ve tar, kaan er: Genger nen imo, gadia un ka aôndo ga; alaghga ngu henen kwagh, shin a ta ibalegh, shin a yem zende, shin alaghga ngu yaven; saa á nder un.

1 Utor 22:15

Ve hen tor yô, tor pine un er: Mikaia, se̱ za hen Ramoti-gileadi, se̱ za nôngo ityav shin se̱ de ze ga? A kaa a na er: Gba zan tsô, ú za hemba; TER Una na un sha ikev i tor.

2 Utor 3:13

Elisha kaa a tor u Iserael er: Ka nyi i zoughom a we? Za hen uprofeti mba teru, kua uprofeti mba ngôu! Kpa tor u Iserael kaa a na er: Ka nahan ga; gadia TER yila utor mba utar mban er Una na ve sha ikev i Moabi.

Orpasenkwagh 11:9

Ember, wanyekwaor, sha iyev ou, ishima kpaa i̱ lu u saan saan sha ayange a u lu iyev yô, zende sha isharen i ishima you, man sha mnenge u ashe ou kpaa; kpa fa, sha ci u akaa ne cii, Aôndo Una va a we hen ijir.

Esekiel 20:39

Sha kwagh wen yô, we ya u Iserael, kape Ter AÔNDO A kaa ne: Yem, hanma or nana̱ gba za civir akombo a nan tsô; kpa ken masetyô yô, nea ver ato her a Mo, man nea kera hôngor a iti Yam i tseghan sha iniav yenev man akombo a en ga.

Mateu 26:2

Ne fa ayange aa kar ahar yô, Paseka una kuma; nahan á na Wan u or sha u i̱ za mande Un sha terankon.

Marku 14:10

Tsô Yuda Isekarioti, u a lu u môm ken mba pue kar uhar la, za hen upristi mba tamen sha u una za na Un sha ikev ve yô.

Marku 14:18

Tsô mba tem, mba ngur yan kwagh yô, Yesu kaa er: Mimi je, M kaan ne ne, u môm ken ven una nenge mker sha a Mo, ka u nan lu yan kwagh a Mo je.

Marku 14:35

Tsô kporom sha hemen kpeghee yô, A gba hen inya, A er msen er, a fetyô yô, shighe la ma a kar Un kera.

Marku 14:40

A shi A hide, A va kohol ve, ve lu yaven, gadia ashe yuhwa ve ikôr; ve kera fa kwagh u vea kaa Un ga.

Marku 14:42

Mough nen sha, se yem nen. Nenge, u a nengen mker sha a Mo la, mgbôghom.

Marku 7:9

Shi A kaa a ve er: Mimi je ne mba undun tindi u Aôndo, sha u ne wa aeren a en a mbayiase la iko yô.

Marku 9:31

gadia A lu tesen mbahenen Nav kaan a ve er: Á na Wan u or sha ikev i ior, vea wua Un yô, sha iyange isha utar la, Una nder.

YOHANE 12:23

Kpa Yesu gema kaa a ve er: Shighe kuma u a na Wan u or icivir ve.

YOHANE 12:27

Hegen ishima ngi tan Mo kwe, tsô shi Me kaa nana? Tere, yimam due a Mo hen shighe ne kera! Kpa ka sha ci u kwagh ne je man M ve hen shighe ne ye.

YOHANE 17:1

Zum u Yesu ôr akaa ne kera yô, A kende ashe Sha, a kaa er: Tere, shighe kuma, na Wan Wou icivir, sha er Wan Wou kpaa A̱ na U icivir yô,

YOHANE 7:30

Tsô ve nôngo u kôron Un; kpa or môm môm kôr Un ave iyol ga gadia shighe Na lu a kuma ga.

YOHANE 8:20

Mkaanem man A ôr ken iyounyar zum u lu tesen ken tempel la. Nahan kpaa ma or kôr Un ga, sha ci u shighe Na lu a kuma ga yô.

Aerenakaa A Mbaapostoli 7:52

Ka hanmô ken uprofeti je man uter enev tôv nan a ican ga? Ve wua mba ve lu tsengan ôron mve u Ormimi, man hegen ne kpaa ne hingir mbanengen Un mker shi ne wua Un kpaa;

Mbaajiriv 10:14

Yô, yem za vaa nen a mbaaôndo mba ne tsough yô, ve̱ yima ne hen shighe u ican i tser ne ne.