Marku 14:38 - ICIGHAN BIBILO

³⁸ Kuran nen, eren nen msen, sha er né gba ken imeen ga yô; mimi je, jijingi yô, rumun, kpa iyol yô, ngi a agee ga.

Marku 14:38 Iomraidhean Croise

Mateu 24:42

Yô, kuran nen, gadia ne fa iyange i Ter wen Una va la ga.

Mateu 25:13

Yô, kuran nen gadia ne fa iyange shin ihwa kpaa ga.

Mateu 26:41

Yô, kuran nen, eren nen msen sha er né gba ken imeen ga yô, jijingi yô, rumun, kpa iyol yô, ngi a agee ga.

Mateu 6:13

man shi de ze a vese hen ape imeen i lu ga, kpa yima se sha ifer. (Gadia tartor ka u Wou kua agee man icivir kpaa, gbem sha won. Amen)

Marku 14:34

Tsô A kaa a ve er: Ishima vihim tsung je ar ken ku; tema nen heen, kura nen.

Marku 14:37

Tsô A va, A va kohol ve ve lu yaven; A kaa a Peteru er: Shimon, u ngu yavena? Ihwa i môm tsô kpaa u fatyô u kuran gaa?

Marku 14:39

A shi A yem a za er msen, A kimbir mkaanem ma ashen la.

Luka 21:36

Nahan kuran nen shi eren nen msen hanma shighe cii, sha er né kuma u waren akaa a á va er la cii, man né tile sha ishigh ki Wan u or yô.

Luka 22:40

Za ar sha ijiir la yô, A kaa a ve er: Er nen msen sha er né gba ken imeen ga yô.

Luka 22:46

A kaa a ve er: Ka nyi ne yava? Mough, er nen msen sha er né gba ken imeen ga yô.

1 Mbakorinte 16:13

Kuran nen, tile nen dông sha jighjigh u nan. Lu nen nomsombaiorov, taver nen iyol.

Mbagalatia 5:17

Gadia asaren a iyolough nga hendan a Jijingi, asaren a Jijingi di kpaa nga hendan a iyol, ve yô, mba hendan ayol a ve, nahan ne kera fatyô u eren akaa a i sar ne la ga.

Mbafilipi 2:12

Nahan yô, ne mbadoon mo ishima, er ne vande lun a iko i wan gbem nahan, i̱ de lu sha shighe u mo m lu a ven la tseegh ga kpa i̱ hemba a hemba hegen er m lu a ven ga ne; eren nen tom sha myom wen a mciem man ikarikase iyol

1 Peteru 5:8

Lu nen geng ge geng shi kuran nen kpaa, orihom wen diabolo ngu zenden er begha u tan kume nahan, keren or u una ya yô.

Mpase U Yohane 3:10

Er u kor kwaghôron u ishimawan Yam yô, Mo kpaa Me kura u shighe u imeen i i lu van sha tar cii sha u karen mba ve tem sha tar yô.