Marku 14:33 - ICIGHAN BIBILO

³³ Tsô A mough a Peteru man Yakobu man Yohane, gba cier Un iyol kpishi, lu yan ican ken ishima kpaa.

Marku 14:33 Iomraidhean Croise

Upasalmi 38:11

Mbadoon mo ishima man akar a am mba nyaghen mo sha ci u uange; ityô yam kpaa tile ca.

Yesaia 53:10

Nahan kpaa lu ishima i TER je u vihin Un iyol; A haa Un angev iyol kpaa; shighe u Una gema iyol Na Una na nagh sha mi sha ci u isholibo yô, Una nenge a tsombor Na; Una tsa sha won, man á kpe kwagh u TER A ver ishima sha mi la iyol sha uwegh Nagh;

Marku 16:5

Mba nyer ken uwar la yô, ve nenge wanyekwaor tema ken uwegh ku yanegh, haa gôgôriga u pupuu; cier ve iyol.

Marku 16:6

Kpa a kaa a ve er: I̱ de kera cier ne iyol ga; ne mba keren Yesu u Nasareti, u i mande Un sha terankon. A nder, ngu heen ga; nenge nen henpe i ver Un la.

Marku 5:37

A rumun u ma orgen nana̱ za a Na imôngo ga, saa Peteru man Yakobu kua Yohane anngô u Yakobu.

Marku 9:15

Ikpelaior la cii, mba nengen a Na yô, kpiligh ve iyol kpishi, ve hembe ayem, ve za sugh Un.

Marku 9:2

Tsô ayange nga kar ataratar yô, Yesu kua a Peteru man Yakobu man Yohane, za unde sha gôgôwo, ve tseegh; tsô i gema iyol Na sha ishiv vev.

Luka 22:44

Tsô er A lu ken ican yum yô, A seer eren msen ishima i môm. Iusa Na gema hingir er ka aberawambe nahan, gba nôndon inya.

Mbaheberu 5:7

Sha ayange a Yesu lu ken mlu u or la yô, A eren mbamsen man uzamber sha imo i genger genger man shi a mliam ashe kpaa. A sôn Un u A fatyô u yiman Un ken ku la, man i ungwa Un kpaa sha ci u mcieaôndo Na la.