Marku 13:5 - ICIGHAN BIBILO

⁵ Tsô Yesu gba kaan a ve er: Ver nen ishima, ma or nana̱ de tsughun ne ga.

Marku 13:5 Iomraidhean Croise

Yeremia 29:8

TER u akum a Sha, Aôndo u Iserael, ngu kaan nahan er: De rumun nen uprofeti enev mba ve lu a ven kua mbakpehenasor enev ner, ve̱ tsugh ne ga, man shi de veren nen ato sha mnyam ma cien ma ma cien ne la ga.

Marku 13:4

Kera kaa ase se yôô, ka hanma shighe man akaa ne aa ere? man ka nyi ia lu ikav, zum u á kuma u akaa ne aa ere?

Marku 13:6

Gadia ior kpishi vea va ken iti Yam, vea kaan er: Ka mo, Un je ne! Vea tsugh ior kpishi.

Luka 21:8

A kaa er: Ver nen ishima, i̱ de tsughun ne ga; gadia ior kpishi vea va ken iti Yam, vea kaan er: Ka mo Un je ne; man shi: Shighe mgbôghom; de ze nen a ve ityô ga.

1 Mbakorinte 15:33

De tsughun nen ayol a en ga, ujende mba bov mba vihin mbamlu mba dedoo.

Mbaefese 5:6

Ma or nana̱ de kera bumen ne sha akaaôron a gbilinigh ga. Ka sha ci u akaa angan ne man iyugh i Aôndo i lu van sha ônov mba ihembeato ye.

Mbakolose 2:8

Ver nen ishima, or nana̱ de ker ne yemen a ven sha kwaghfan shin sha atseregh a gbilinigh ga. Akaa ne ka sha inja i ukaaer mba ior la, shi ka sha inja i ujijingi mba taregh mba hiihii, kera ka sha inja i Kristu a lu ga.

2 Timoteu 2:3

Ne yô, ma or môm nana̱ de tsughun ne sha nyityôkwagh kpaa ga, gadia saa m-undu u hiden ijime la una vande van ve, man saa á pase or u vendan atindi, ka wan u mtim je la.

1 Yohane 4:1

Ne mbadoon mo ishima, de kera gbe nan nen hanma jijingi jighjigh tsô ga, kpa kar nen ujijingi, shin ka her Aôndo ve dugh jeo? Gadia mbaprofeti mba aiev kpishi due, mba zenden sha won.