Marku 13:34 - ICIGHAN BIBILO

³⁴ Ka er or u nan yem zende, nan undu ya u nan kera, nan na mbatomov mba nan tahav, hanmô sha tom u nan, shi nan wa orhunda kwagh er a̱ kuran.

Marku 13:34 Iomraidhean Croise

Mateu 16:19

Man shi Me na u uishindan mba tartor u Sha; hanma kwagh u wea kange shin tar ne yô, una lu uikangen Sha, man hanma kwagh u wea sagh un shin tar ne yô, á sagh un Sha kpaa.

YOHANE 10:3

Ka nan je man orhunda ka a bugh nan hunda ye; iyôngo i ungwa imo i nan; nan yilan i i lu i nan sha ati ati, nan due a i ken won.

Mbaromanu 13:6

Ka sha ci u nahan ne lu tan kpandegh kpaa ye, gadia ve ka mbatomov mba Aôndo, ka sha kwagh ne je ve ver ishima sha mi ye.

1 Mbakorinte 15:58

Nahan yô, ne anmgbianev av mba doon mo ishima, tile nen dông, de kpoghol nen ga, eren nen tom u Ter ngegh je sha hanma shighe cii, gadia ne fa, ken Ter yô, tom wen ngu gbilin ga.

Mbakolose 3:24

gadia ne fa ka hen Ter man né va zua a injar i sha dyako ye. Ka Ter Kristu ne eren Un tom ye.

Mbakolose 4:1

Ne uter, eren nen a mbashiren ne tom sha jighjigh man sha mimi gadia ne fa, ne kpaa ne mba a Ter Sha.

Mpase U Yohane 3:7

Nger hen ortyom u nongo u Kristu u hen Filadelfia wer: Un u A lu icighan, A lu u mimi, u A lu a ishindan i Davidi la, Una bugh yô, ma or nana kera senda ga, Una senda yô, ma or nana kera bugh ga la, ngu ôron akaa ne nahan er: