Marku 13:27 - ICIGHAN BIBILO

²⁷ Hen shighe la, Una tindi mbatyomov Nav vea kohol uicuwanmbaiorov Nav sha ahumbe a sha avegher anyiin la, hii shin ikighir i tar zan zan á ar sha ikighir i Sha.

Marku 13:27 Iomraidhean Croise

Genese 49:10

Tôgh kua kar hen Yuda kera ga, gbough ku ortaregh kpaa kua kar hen atô u angahar a na kera ga, zan zan Un u ku lu ku Nagh la, Una va; ka Un akuraior aa ungwan imo Na ye.

Yesaia 65:9

Me er tsombor ua due ken Yakob, man ken Yuda kpaa, or u yan dyako u iwo Yam; uicuwan Av vea ngohol i man mbayev Av vea tema ker.

Sekaria 2:6

Mough, mough yevese due nen ken tar u Imbusutarimese la kera, kape TER A kaa ne; gadia M sambe ne wuee er ahumbe a anyiin a Sha nahan, kape TER A kaa ne.

Mateu 12:42

Torkwase u ken imbusutariyan una nder a kov ne sha iyange i ijir, man una na u ibo; gadia a due ken akighir a tar, a va sha u ungwan mfe u Solomon. Yô, nenge, u A hembe Solomon icivir Ngun heen ne.

Mateu 13:41

Wan u or Una tindi mbatyomov Nav, man atôakaa a nan gbev mbu nôngon ci ca, man mbavendan atindi kpaa vea kura ve ken tartor Na kera,

Mateu 13:49

Kape á lu sha mkurtar je la. Mbatyomov vea due, vea sange mbaaferev ken mbaperapera kera;

Mateu 24:22

Man ka er i pande ayange la kera yô, gayô, ma i yom ma or ga; kpa sha ci u uicuwanmbaiorov yô, á pande ayange la kera.

Mateu 24:24

Gadia ukristu mba aiev man uprofeti mba aiev kpaa vea mough vea er uivande mba vesen man akaa a kpilighyol kpaa, sha u vea tsugh uicuwanmbaiorov aluer vea fatyô yô.

Mateu 24:31

Man Una tindi mbatyomov Nav a ikpamkor i kaan hweng, vea kohol uicuwanmbaiorov Nav sha avegher anyiin á hii ken ikighir ingila.

Marku 13:20

Ka er Ter A pande ayange la kera, gayô, ma i yom ma or ga; kpa sha ci u uicuwanmbaiorov mba A tsough ve yô, á pande ayange la kera.

Marku 13:22

Gadia Ukristu mba aiev man uprofeti mba aiev kpaa vea mough vea er uivande man akaa a kpilighyol, sha u vea tsugh uicuwanmbaiorov aluer vea fatyô yô.

Marku 13:28

Hen nen injakwagh ne sha kon u tur. Zum u gbaa na ka una leghem una hôm ika yô, ne fa je ner, wangernyom mgbôghom ve.

Luka 16:22

Tsô or u sônon la va kpe, mbatyomov mba Shaav tôô un, za a mi ken ikum i Aberaham.

Luka 18:7

Man hire Aôndo Una kera kure ijir sha ci u uicuwan Nav mba ve ve a mliam hen Na tugh man tetan ga yee, shin er A timbir sha kwagh ve yum nahan kpaa.

YOHANE 10:16

M ngu a iyôngo igen i i lu hen ityôr ne ga yô, i kpaa Me va a i keng, ia ungwa imo Yam; ia hingir ikum i môm man orkuran môm kpaa.

YOHANE 11:52

Kpa ka sha ci u ikurior la tseegh ga, ka sha u Una kohol ônov mba Aôndo mba ve sambe sha won ve̱ lu kwagh môm yô.

Mbaromanu 8:33

Ka an je nana yôô ityôkwagh sha mba Aôndo A tsough ve laa? Ka Aôndo A ne ishô ye.

Duteronomi 30:4

Shin ior ou mba i sambe ve la, vea lu ken ikighir i Sha je kpaa; keela kpaa TER, Aôndo wou, Una kohol we, keela kpaa Una za tôô u;

Mbakolose 3:12

Nahan yô, haa nen mhôônom ma kôron tsung iyol, man shi ieren i dedoo man iyol i gengese ga, man ishima i legh legh man ishima i wan er uicuwan mba Aôndo mba ve lu uicighanmbaiorov mba doon ishima nahan.

2 Timoteu 2:1

Se mba zamber a ven, anmgbianev, sha kwagh u m-ande u Ter wase Yesu Kristu man mkohol wase u sé va kohol a Na imôngo la,

WASHIKA U SHA UHAR U PAULU APOSTOLI TINDI HEN TIMOTEU - 2TI 2:10

Ka nahan man m we ishima sha akaa cii ye, sha ci u uicuwanmbaiorov, sha u ve kpaa, ve̱ zua a myom u ken Kristu Yesu la kua iengem i tsôron.

1 Peteru 1:2

sha mtsengefan u Aôndo, sha mtsegh u sha Jijingi, u zan ken iko i wan man awambe a mishin a Yesu Kristu. I̱ seer ne mrumun u sha mhôôn kua bem wuee.