Marku 13:24 - ICIGHAN BIBILO

²⁴ Kpa sha ayange la, ken masejime u ican la, iyange ia wa ime, uwer kpaa ua kera wanger ga.

Marku 13:24 Iomraidhean Croise

Yesaia 13:10

Gadia asan a Sha man uzegembaiwangerev mba Shaav vea kera na iwanger ga, iyange ia wa ime sha mdugh u i, uwer kpaa ua kera ta iwanger ga.

Yeremia 4:28

Ka sha ci u kwagh ne, tar ua zungwe, Sha kpaa una hingir il, gadia M ôr kwagh ne man M ver ishima sha mi, Me kera vaa afanyô ga, Me gema ishima Yam sha mi kpaa ga.

Esekiel 32:7

Zum u Me pir u la, Me cir Sha, Me na asan a na a̱ wa ime; Me cir iyange sha ibeen, uwer kpaa ua kera na iwanger i u ga.

Daniel 12:1

Hen shighe la Mikael, ortaregh u a nengen sha ônov mba nongo wou la, una mough á tile sha; ican ia er sha shighe la, imba i i lu a er mayange ga yô, hii sha shighe u ikurior i lu sha won, zan zan ar hen shighe ne; hen shighe la, á yima ior ou, hanma or u i nger nan ken ruamabera yô.

Daniel 7:10

Ifi u usu due gba kuwan sha ishigh nagh; ior udubu dubu lu eren Un tom, man dubu pue kwa dubu pue tile sha ishigh Nagh; i tema ijirôron man i bugh uruamabera.

Yoel 2:10

Tar tenger sha ishigh vegh, Usha gbidye ikarikase iyol; iyange man uwer wa ime, asan kpaa hide a iwanger ve ijime.

Yoel 3:15

Iyange man uwer wa ime, asan kpaa hide a iwanger i a ijime.

Amoshi 5:20

Iyange i TER ia lu ime je, ia kera lu iwanger ga, een, á lu angôghime, ma iwanger ia lu ker ga.

Marku 13:23

Kpa ne yô, ver nen ishima. Nenge, M tsengaôron ne akaa ne cii, er shighe u a, a lu a kuma ga yô.

2 Peteru 3:10

Kpa iyange i Ter ia va er ormbaiv nahan. Usha vea kar kera sha ihuran ioo, asemaakaa aa hia kera man tar kua ityom i sha u cii kpaa ia hia kera.

2 Peteru 3:12

Er ne keghen mve u iyange i Aôndo, man ne eren sha u i̱ va fefa yô; sha iyange la yô, Usha vea yegh vea saa kera man asemaakaa cii aa hia aa sough kera.

Mpase U Yohane 20:11

Shi m nenge zegeikôn u pupuu u tor. Un u A tema sha mi la yô, tar man Sha yevese sha ishigh Nagh kera, ian kera lu sha ci ve mape ga.