Marku 13:23 - ICIGHAN BIBILO

²³ Kpa ne yô, ver nen ishima. Nenge, M tsengaôron ne akaa ne cii, er shighe u a, a lu a kuma ga yô.

Marku 13:23 Iomraidhean Croise

Mateu 24:25

Nenge, M tsengaôron ne akaa ne cii er shighe u a a lu a kuma ga je yô.

Mateu 7:15

Kura nen ayol a en sha uprofeti mba aiev mba ve ve her a ven a akôv a iyôngo iyol, kpa ken atô ve yô, gema ka ugbaseela mba huav je.

Marku 13:22

Gadia Ukristu mba aiev man uprofeti mba aiev kpaa vea mough vea er uivande man akaa a kpilighyol, sha u vea tsugh uicuwanmbaiorov aluer vea fatyô yô.

Marku 13:24

Kpa sha ayange la, ken masejime u ican la, iyange ia wa ime, uwer kpaa ua kera wanger ga.

Marku 13:33

Ver nen ishima, kuran nen, gadia ne fa zum u shighe la una kuma ga.

Marku 13:5

Tsô Yesu gba kaan a ve er: Ver nen ishima, ma or nana̱ de tsughun ne ga.

Marku 13:9

Kpa ne yô, ver nen asema sha ayol a en, gadia vea na ne ken mbamkohol mba mbaajiriv, man ken ushinagoge, á gbidye ne; né tile sha ishigh ki ugomna man utor sha ci Wam, sha u i̱ lu ve shiada yô.

Luka 21:34

Kpa ver nen ishima sha ayol a en, asema a en a̱ de yoho sha hua u sha kwaghyan man sha ihundugh man sha akaa a nyian ishima a uma ne ga, iyange la i̱ de va bulun ne er kwaghhônon nahan ga;

Luka 21:8

A kaa er: Ver nen ishima, i̱ de tsughun ne ga; gadia ior kpishi vea va ken iti Yam, vea kaan er: Ka mo Un je ne; man shi: Shighe mgbôghom; de ze nen a ve ityô ga.

YOHANE 14:29

Man hegen M vande kaan ne je, er i lu a er ga yô, sha u né na jighjigh zum u ia va er yô.

2 Peteru 3:17

Ne mbadoon mo ishima, er ne vande fan kwagh ne nahan yô, kuran nen i̱ de kera kôron ne i̱ urugh ne sha mtsum u mbarumun atindi ga la er né gba sha mtil wen la ga yô.