Marku 13:2 - ICIGHAN BIBILO

² Yesu kaa a na er: U nenge uzegembaayoughouv mban kpa? Iwen i môm tsô kpaa i á de i i̱ lu sha igen ngi ga, á yôhôl a ca ca.

Marku 13:2 Iomraidhean Croise

Yeremia 26:18

Mika Ormoresheti ôr kwaghôron u profeti sha ayange a Hisekia tor u Yuda, a ôr kwagh a ior i Yuda cii, a kaa er: TER u akum a Sha ngu kaan nahan er: Shion ne, á tsôghol un er sule nahan, man Yerusalem ne, una hingir atihi a alôgh, man uwo u tempel ne ua hingir er agungu a a lu ken ikô nahan.

Daniel 9:26

Ken masejime u ulahadi akunduatar kar uhar la, á gber u i shigh Un mkurem la kera, Una lu a ma ibo ga; ior mba tor u una va la, vea hembe gar man icighanjiir la; mkur na una lu sha avenge a saren, man zan zan mkur kpaa ityav mbia lu; mbamtim vea lu kpee je.

Mika 3:12

Nahan yô, á tsôghol Shion sha ci wen er sule nahan; Yerusalem una hingir atihi a alôgh, man uwo u ya u Aôndo ua hingir er agungu shin ikô nahan.

Mateu 24:2

Kpa Yesu kaa a ve er: Ne nenge akaa ne cii kpa? Mimi je M kaan ne ne, iwen i môm tsô kpaa i á de i i̱ lu sha igen ngi ga, á yôhôl a ca ca.

Luka 21:6

Akaa a ne nenge a mi ne yô, ayange nga van a iwen i môm kpaa i á de i i̱ lu sha igen ia lu ga, á yôhôl ca ca.

Aerenakaa A Mbaapostoli 6:14

Gadia se ungwa er a kaa er: Yesu Ornasareti ne Una yôhôl ijiir ne kera man shi Una gema aeren a Mose lu na se la kpaa.

Mpase U Yohane 11:2

Kpa tembe u ken kungur u tempel la yô, gba den u tsô, u̱ lu ken won, de karen u ga, gadia i na u sha ikev i akuraior, aa ndyar icighangar shin angahar á kuma iwer akunduahar kar ihiar.