Marku 13:19 - ICIGHAN BIBILO

¹⁹ Gadia sha ayange la, ican ia lu, imbacan i hii er Aôndo gba tar je zan zan ainge ne i lu a vande eren nahan ga yô, mayange ia kera shi er nahan kpaa ga.

Marku 13:19 Iomraidhean Croise

Ukwelegh 1:12

Ka ne ma kwagh ga, ne mba ne lu karen ne cii? Ver ashe, nenge nen, shin ma ican ngi er ican yam ne kpaou? i TER vam a mi sha iyange i iyugh Na i tsung la.

Ukwelegh 2:13

Ka nyi kwagh me pase u, man ka nyi kwagh me kar u sha mi, we wankwase u Yerusalem? Ka nyi kwagh me zua u sha mi, sha u me sur u ishima, we iniunkwase u Shiono? Gadia mvihi wou gbangese er zegemnger nahan; ka anti nana fatyô u sôron mvihi wou laa?

Ukwelegh 4:6

Gadia iferkwagh i wankwase u ior av kehe hemba kwaghbo u Sodom, u i yôhôl un kera fese, ma or za ave sha mi kpaa ga la.

Daniel 12:1

Hen shighe la Mikael, ortaregh u a nengen sha ônov mba nongo wou la, una mough á tile sha; ican ia er sha shighe la, imba i i lu a er mayange ga yô, hii sha shighe u ikurior i lu sha won, zan zan ar hen shighe ne; hen shighe la, á yima ior ou, hanma or u i nger nan ken ruamabera yô.

Daniel 9:12

A er sha akaaôron a Na vough a A ôr sha a vese man sha mbaajiriv asev mba ve er se ijir la, sha u van a zegekwaghbo sha a vese; gadia sha won cii, mba a er imbakwagh i i er a Yerusalem ne nahan ga.

Daniel 9:26

Ken masejime u ulahadi akunduatar kar uhar la, á gber u i shigh Un mkurem la kera, Una lu a ma ibo ga; ior mba tor u una va la, vea hembe gar man icighanjiir la; mkur na una lu sha avenge a saren, man zan zan mkur kpaa ityav mbia lu; mbamtim vea lu kpee je.

Yoel 2:2

ka iyange i ime i wan mgbigh mgbigh, iyange i abeen man angôghime, er mlu u pepe dindee nahan; ikurior i vesen man i ageegh haa sha iwo imba i i lu a vande nengen a mi ga, man á kera nenge a mi ken hemen kpaa ga, zan zan sha ikov ikov cii.

Mateu 24:21

Gadia zum la zegecan una er, imbacan i hii er i gba tar la je zan zan ainge ne i lu a er mayange ga yô, man mayange kpaa ia kera shi er nahan kpaa ga.

Marku 10:6

Kpa sha mhii u igbetar je yô, lu nom man kwase A gba ve ye.

Marku 13:18

Er nen msen, kwagh ne a̱ de lu sha shighe u fam ga.

Marku 13:20

Ka er Ter A pande ayange la kera, gayô, ma i yom ma or ga; kpa sha ci u uicuwanmbaiorov mba A tsough ve yô, á pande ayange la kera.

Duteronomi 28:59

TER Una haa u man tsombor wou, atsan a cier iyol, uzegembaatsanev mba vea tsa kpishi, man shi angev mbu vihin mbu tsan kpaa.

Duteronomi 4:32

Yô, pine ase hegen, sha ayange a a kar la, a u lu a lu ga la, hii sha iyange i Aôndo gba or sha won la, man hii hen ikighir i Sha ne, zan zan za ar ikighir i ngila, i vande eren ma kwagh u vesen er ngun nahan mayange vee, shin i vande ungwan injakwagh ne nahan mayange kpa?

Mpase U Yohane 7:14

M gema m kaa a na mer: Terem, we u fa. Tsô a kaa a mo er: Mban ka mba ve dugh ken zegecan la yô; ve ôô uriga vev ken awambe a Waniyôngo, ve kungu ve.