Marku 13:13 - ICIGHAN BIBILO

¹³ Ior cii vea kôr ne ihom sha ci u iti Yam. Kpa or u nana taver ishima zan zan mkur yô, ka nan je á yima nan ye.

Marku 13:13 Iomraidhean Croise

Daniel 12:12

Á saan or u nan kegh nan ar sha ayange dubu man deri utar man ikundugber kar utaan la iyol.

Mateu 10:22

Ior cii vea kôr ne ihom sha ci u iti Yam; kpa u nana taver ishima zan zan mkur yô, ka nan nana war ye.

Mateu 24:13

Kpa or u nana taver ishima zan zan mkur yô, ka nan á yima nan ye.

Mateu 24:9

Hen zum la vea na ne ken ican, vea wua ne kpaa; akuraior cii aa kôr ne ihom sha ci u iti Yam.

Marku 13:12

Or nana na anngô u nan ken ku je; ter kpaa una na wan na; ônov kpaa vea mough num a mbamaren vev, vea wua ve.

Luka 21:17

Ior cii vea kôr ne ihom sha ci u iti Yam.

Luka 6:22

Saan ne iyol zum u ior ka vea kôr ne ihom, man vea dughun ne kera, vea hee ne kpaa, man shi vea teren iti yen dang, sha ci u Wan u ôr yô.

YOHANE 15:21

Kpa akaa ne cii vea er ne a sha ci u iti Yam sha ci u ve fe Un u A tindim la ga yô.

YOHANE 17:14

M na ve kwaghôron Wou, kpa tar kôr ve ihom, sha ci u ve lu ior i tar ne ga yô, er Mo kpaa M lu or u tar ne ga nahan.

Mbaromanu 2:7

Mba ve lu keren iengem man icivir man mtsôr sha u eren kwagh u dedoo sha ishima i wan yô, Una na ve uma u tsôron.

Mbagalatia 6:9

Sé gba nen uwer u eren akaa a dedoo ga, gadia shighe á va kuma yô, sé sunda aluer se yina ishima ga yô.

Mbaheberu 10:39

Kpa se yô, se mba mbahirenjime sha u za saan ishe ga, kpa se mba mbananjighjigh sha er uma una war yô.

Mbaheberu 3:14

Gadia se hingir mbalun a kwar ken Kristu aluer se kôr ave gbang gbang sha imagh ki hiihii ki ishimaveren yase zan zan mkur yô.

Yakobu 1:12

Or u nan taver ishima ken imeen yô, saan nan iyol, gadia zum u nana kar ikaren i i lu karen nan la yô, nana ngohol tsar u uma u A tende zwa sha mi a mba A doo ve ishima yô.

1 Yohane 3:13

Anmgbianev av, aluer tar ua kôr ne ihom yô, i̱ de kpiligh ne iyol ga.

Mpase U Yohane 2:10

De cie akaa a aa va tser u la ga. Nenge diabolo ngu veren iyol u una kende ior enev mbagenev ken gaadi, sha u á kar ne yô; man ican ia er ne á kuma ayange pue je. Lu jighjigh, ar ken ku je man Me na u tsar u uma ye.

Mpase U Yohane 3:10

Er u kor kwaghôron u ishimawan Yam yô, Mo kpaa Me kura u shighe u imeen i i lu van sha tar cii sha u karen mba ve tem sha tar yô.