Marku 12:26 - ICIGHAN BIBILO

²⁶ Man sha kwagh u mbakpenev er á nder a ve yô, ne kera ôr ken takerada u Mose sha kwagh u ageva la, er Aôndo ôr a na, kaa er: Mo m ngu Aôndo u Aberaham man Aôndo u Isaka man Aôndo u Yakob kpaa, gaa?

Marku 12:26 Iomraidhean Croise

Genese 26:24

Hen tugh mbula je, TER ande her a na, kaa er: Ka Mo Aôndo u teru Aberaham, de cie ga, gadia M ngu a we, Me ver u doo doo, Me seer tsombor wou sha ci u wanakiriki Wam Aberaham.

Genese 28:13

Man TER tile sha ityough nagh kaa er: Mo M ngu TER, Aôndo u teru Aberaham, Aôndo u Isaka kpaa; tar u u yav her ne, Me na u u kua tsombor wou kpaa.

Genese 31:42

Ka er Aôndo u terem, Aôndo u Aberaham man Mcieryol u Isaka lu a mo yô, gayô, mimi je, hegen ma u nem gbenda aveve. Aôndo nenge zayol wam man tom u tsung u ave am, man nyen yange u tugh ye.

Genese 32:9

Yakob kaa er: Aôndo u terem Aberaham, Aôndo u terem Isaka, TERE, We u U kaa a mo Wer: Hire hen ya wou man hen ityô you, Me ver u doo doo,

Genese 33:20

A ta atse a nan nagh sha mi heregh, a ii a iti er El-elohe-Iserael (ka Aôndo u Iserael A lu Aôndo ye).

Ekesodu 3:16

Za, za kohol mbatamen mba Iserael, kaa a ve wer: TER, Aôndo u uter enev, Aôndo u Aberaham man u Isaka man u Yakob ande her a mo, A kaa er: M ver ishima sha a ven dedoo, M shi M nenge kwagh u i er a ven ken Igipiti la kpaa;

Marku 12:10

Shin icighanruamabera ne, ne mba a ôr un gaa? er: Iwen i mbamaan venda i, ka i je, i hingir i sha zongo ye;

Marku 12:25

Gadia zum u ka a nder shin mbakpenev yô, i kera er kwase ga, man shi i kera na kwase ken nom kpaa ga, kpa ka ve lu er mbatyomov mba Shaav nahan.

Luka 20:37

Man sha kwagh u mbakpenev er á nder a ve yô, Mose kpaa tese hen kwagh u ageva la, er a yila Ter er Aôndo u Aberaham, man Aôndo u Isaka, man Aôndo u Yakob.

YOHANE 20:17

Yesu kaa a na er: De benden Mo ave iyol ga, gadia M ngu a kôndo M yem sha Ter ga; kpa za hen anmgbianev Av, za kaa a ve wer: M ngu kôndon sha Terem man Ter wen, Aôndo wam man Aôndo wen kpaa.

Mbaromanu 11:2

Aôndo gbihi nongoior Na mba A vande fan ve la kera ga. Shin ne kera fa kwagh u icighanruamabera kaa sha kwagh u Elia zum u A ôr Aôndo kwagh u Iserael la, ga ase?