Marku 12:24 - ICIGHAN BIBILO

²⁴ Yesu kaa a ve er: Kera ka er ne fe icighanruamabera man agee a Aôndo ga, ve ne tsum nahan ye gaa?

Marku 12:24 Iomraidhean Croise

Genese 18:14

Ma kwagh u kpilighyol u hemban TER ngu jee? Me hide hen a we sha shighe u i ver la, hen shighe ne nahan, Sara una lu a wan ave.

Yesaia 25:8

Una tim ku sha won kera; Ter AÔNDO Una ese mliam sha ishiv mbi iorov cii, man shi Una hide a ilyahan sha ior Nav kera sha won cii; gadia ka TER je, A er kwagh ne ye.

Yesaia 26:19

Mbakpenev Ou vea lu uma; akom a am kpaa aa nder. Nder nen, wa nen icam, ne mba ne tem shin vuulevu; gadia avure a Ou ka avure a iwanger je, man tar kpaa ua due a ujijingi mba mbakpenev.

Yesaia 8:20

Hide nen sha ityesen kua mpase! Aluer vea ôr sha kwaghôron ne ga yô, m-av u use kera ngu sha ci ve ga.

Yeremia 32:17

Ahi! Tere, AÔNDO. Nenge, We, U er Sha man tar sha agee a Ou a vesen man sha uwegh Ough ku naregh; ma kwagh u hemban we ngu ga;

Daniel 12:2

Ior kpishi ken mba ve lu yaven shin vuulevu u taregh vea nder, mbagenev sha u zan ken uma u tsôron, man mbagenev di sha u zan ken kunya man iheen i been mayange ga.

Hosea 13:14

Me paa ve sha tahav mbu Sheol; Me paa ve sha ku; we ku, ka han ubombauangev ou ve lu? We, Sheol, ka han mtim wou a lu? Afanyô a vaan a yer sha ishigh Yagh.

Hosea 6:2

Er ayange á kar kera ahar yô, Una na se uma; sha iyange i atar la Una mough a vese sha, nahan sé lu uma sha ishigh Nagh.

Hosea 6:6

Gadia ka dooshima a sarem ye, ka nagh ga; man mfe u fan Aôndo kpaa hembam doon a iniav mbi nanden.

Hosea 8:12

Shin er M nger un atindi a Am, a kuma dubu pue nahan kpaa, nga ve er kwagh u ve fe un ga nahan.

Mateu 22:29

Kpa Yesu gema kaa a ve er: Ne tsume er ne fe icighanruamabera man agee a Aôndo kpaa ga yô.

Marku 10:27

Kpa Yesu kenger ve, kaa er: Hen ior yô, kwagh ne a fatyô ga, kpa her Aôndo yô, ka nahan ga; gadia her Aôndo yô, akaa cii á fatyô.

Marku 12:23

Tsô sha mnder u vea nder shin ku la yô, kwase la una lu u an ken a ve? Gadia ve utaankaruhar cii ve er un.

Marku 12:25

Gadia zum u ka a nder shin mbakpenev yô, i kera er kwase ga, man shi i kera na kwase ken nom kpaa ga, kpa ka ve lu er mbatyomov mba Shaav nahan.

Luka 1:37

Gadia ma kwagh môm u a hembe Aôndo u eren un yô, ngu ga.

YOHANE 20:9

Gadia ve lu a kav icighanruamabera u a kaa er, Una nder shin mbakpenev keng la ga.

YOHANE 5:39

Ne mba timen ken icighanruamabera sha ci u ne mba henen ner, ka sha a ve man né zua a uma u tsôron ye; yô, ka ve je ve pasen kwaghwam ye.

Aerenakaa A Mbaapostoli 17:11

Mbala yô, hemba ior i Tesalonika inja i mimi, sha er ve rumun kwaghôron la sha gbashima shi ve lu timen ken icighanruamabera ayange ayange sha u vea nenge shin akaa la aa lu nahan yô.

Mbaromanu 15:4

Gadia akaa a i vande ngeren la cii ka sha ci u ityesen yase lu i nger a ye, lu sha u se̱ lu a ishimaverenkeghen sha ishimawan man ishimasurun i ken icighanruamabera la.

Mbaefese 1:19

man shi er agee a Na a vese a gande ken vese mba se ne jighjigh yô, sha inja i ieren i tahav mbu agee a Na.

Mbafilipi 3:21

Una va gema ayol a ase a icivirigh ga ne, aa hingir kposo á lu kwagh môm a iyol Na i iengem la, ka sha agee a Na a A fetyô u geman akaa cii hingir sha ikev Na la.