Marku 12:14 - ICIGHAN BIBILO

¹⁴ Mba ve yô, ve kaa a Na er: Ortesen, se fa U ngu Or u mimi, or môm môm kpaa U cie nan ashe ga; gadia U nengen sha mlu u or er nan lu la ga, kpa ka sha mimi je U tesen gbenda u Aôndo ye. Yô, u tan Shisar kpandegh ka sha mi shinii, ka sha mi ga? Se̱ na shinii, se̱ de ne ga?

Marku 12:14 Iomraidhean Croise

2 Kroniku 18:13

Kpa Mikaia kaa er: Er TER A lu u uma ne, kwagh u Aôndo Una kaam yô, ka un me ôr ye.

2 Kroniku 19:7

Yô, mciem ma cian TER ma lu sha a ven; ver nen ishima er nen nahan; gadia ma ifer ngi hen TER, Aôndo wase, man msange u sha dooshima kpaa ga, man u ngohol inyaregh ki yamen ishô kpaa ga.

Nehemia 9:37

Man ngu nan utor mba U ver sha a vese sha ci u asorabo a ase la, mtsera kpishi; man mba yan tor sha ayol a ase kua sha uzendenya asev kpaa, sha asema a ve je; se yô, kwagh tsule se kpishi.

Upasalmi 120:2

Yima uma wam sha zwa u aiegh, TERE, man sha nombor u icughugh kpaa.

Upasalmi 55:21

zwa na leghem er ka ahôm a bua yô, kpa ishima na yô, ka ityav tseegh; akaaôron na hemba leghem a mkurem, nahan kpaa ka usanker mba i tsough yô.

Yeremia 42:20

gadia ne tsume je ne vihi uuma enev kera; gadia ne tindim hen TER, Aôndo wen, ner: Sôn TER, Aôndo wase, sha ci wase, kwagh u TER, Aôndo wase, Una ôr cii yô, pase se, sé er un.

Mika 3:8

Kpa Mo yô, m iv a agee, sha Jijingi u TER kua mimi man tahav kpaa, sha u pasen Yakob atindi a peren a na man Iserael kpaa isholibo na ye.

Mateu 22:16

Ve tindi mbahenen vev man Mbaherode her a Na, ve kaa er: Ortesen, se fa U ngu Or u mimi, man U tesen gbenda u Aôndo sha mimi kpaa; U cie ma or ashe ga, gadia U nengen sha mlu u or er nan lu la ga.

Mateu 22:17

Yô, kaa ase, U nenge nana, u tan Shisar kpandegh ka sha mi shinii, ka sha mi ga?

Marku 12:13

Tsô ve tindi mbagenev ken Mbafarishi man Mbaherode her a Na sha u vea kôr Un a ikaazwa yô.

Marku 12:15

Kpa A fa atseregh a ve la, nahan A kaa a ve er: Ka nyi ne karen Mo? Va nam nen sule, M nenge sha mi.

Marku 14:45

Va ar heregh yô, fese je a va her a Na, a kaa a Na er: Ortesen! Tsô a gba susen Un zwa.

Luka 20:22

Yô, u sé ta Shisar kpandegh, ka sha mi shinii, ka sha mi ga?

Luka 23:2

Ve gba sendegh Un er: Or ne yô, se kohol Un tsughun nongo wase, yangen er i̱ de te Shisar kpandegh ga, kaan er, Wen iyol Na Un ngu Kristu tor je.

YOHANE 7:18

Or u nan gbe ôron kwagh sha tahav mbu nan iyol i nan yô, ka icivir i nan tsô nan keren ye. Kpa u nan keren icivir i u a tindi nan la yô, ka nan je nan lu u mimi ye, man ma iferkwagh môm ngi ker a nan kpaa ga.

Mbaromanu 13:6

Ka sha ci u nahan ne lu tan kpandegh kpaa ye, gadia ve ka mbatomov mba Aôndo, ka sha kwagh ne je ve ver ishima sha mi ye.

2 Mbakorinte 2:17

Se mba zenden kpenga a kwaghôron u Aôndo er mbagenev kpishi ve eren nahan la ga, kpa se mba ôron kwagh ken Kristu sha mimi, ka er mba Aôndo A tindi ve nahan man ka sha ishigh ki Aôndo kpaa.

2 Mbakorinte 2:2

Gadia aluer ka mo m ne ne ishima i vihin yô, ka an nana shi á nam iember saa di un u m ne un ishima i vihin la?

2 Mbakorinte 4:1

Nahan yô, er se lu a tom ne sha mhôônom ma i zungu se la yô, asema kera nga yinan se ga.

2 Mbakorinte 5:11

Nahan yô, er se fe er Ter a lu u cian yô, se mba sendegh a ior; sha ishigh ki Aôndo yô, kwagh wase ngu gbar gbar, man m ngu veren ishima mer, ken imo i ken asema a en di kpaa kwagh wase ngu gbar gbar je.

2 Mbakorinte 5:16

Nahan se yô, hii hegen je se kera fa ma or sha inja i iyolough ga. Aluer se vande fan Kristu sha inja i iyolough kpaa, hegen yô, se kera fa Un nahan ga.

Mbagalatia 1:10

Nahan ka ior m lu sendegh a ve hegen shin ka Aôndo? Shin ka ior m lu nôngon u doon ityough a ve ase? Aluer mea lu nôngon u doon ityough a ior heregh yô, ma m kera lu kpan u Kristu je ga.

Mbagalatia 2:6

Mba ve ze gwa er ve gbe kwagh yô—kwagh u ve vande lun la kam ma kwagh ga, Aôndo sangen sha dooshima ga—mbala yô, ve kera seer mo ma kwagh ga.

Duteronomi 16:19

De geman ijir ga; shi de hembe wan orgen iko a orgen ga, man shi de ngohol iwua ga; gadia iwua i cirin mbafankwagh ashe, shi i gem akaaôron a mba ve lu a ibo ga la.

1 Mbatesalonika 2:4

Kpa er Aôndo nenge se kuma u á ver Loho u Dedoo sha ikev yase yô, kape se lu ôron je la. Ka sha u i̱ doo ior a vese ga, kpa i̱ doo Aôndo u A karen asema ase yô.