Marku 12:12 - ICIGHAN BIBILO

¹² Tsô ve gba keren ian i vea kôr Un, kpa ve lu cian ikpelaior, gadia ve kav er A ôr injakwagh la sha a ve yô. Maa ve undu Un ve yem.

Marku 12:12 Iomraidhean Croise

Mateu 21:26

Man aluer sea kaa ser: Ka hen ior, yô, se mba cian ikpelaior, gadia ve cii ve fa er Yohane lu profeti mimi je yô.

Mateu 22:22

Er ve ungwa nahan yô, kpiligh ve iyol, ve undu Un, ve yem.

Marku 11:18

Upristi mba tamen man mbangeren mba ongo nahan yô, ve gba keren gbenda u vea wua Un yô; gadia ve lu cian Un, sha ci u ikpelaior cii, lu kpiligh ve iyol sha ityesen Na.

Marku 11:32

Man aluer sea kaa ser: Ka hen ior yô, nahan ve lu cian ikpelaior, gadia ve cii ve fa er Yohane lu profeti mimi je yô.

Luka 20:19

Tsô mbangeren man upristi mba tamen gba keren ian sha u vea kôr Un hen shighe la, kpa ve lu cian ikpelaior, gadia ve kav er A er injakwagh la sha a ve je yô.

Luka 20:6

Man aluer sea kaa ser: Ka hen ior yô, ikpelaior cii ia ta se awen, gadia ve fa mimi je er Yohane a lu profeti yô.

YOHANE 7:25

Tsô mbagenev mba ken Yerusalem kaa er: Kera ka Un u i keren Un a ku ne gaa?

YOHANE 7:30

Tsô ve nôngo u kôron Un; kpa or môm môm kôr Un ave iyol ga gadia shighe Na lu a kuma ga.

YOHANE 7:44

Mbagenev ken ve yô, lu ve ka kôron Un, kpa or môm bende Un ave iyol ga.