Marku 11:18 - ICIGHAN BIBILO

¹⁸ Upristi mba tamen man mbangeren mba ongo nahan yô, ve gba keren gbenda u vea wua Un yô; gadia ve lu cian Un, sha ci u ikpelaior cii, lu kpiligh ve iyol sha ityesen Na.

Marku 11:18 Iomraidhean Croise

1 Utor 21:20

Tsô Ahaba kaa a Eliya er: U zua a mo ve orihom wama? A rumun er: M zua a we; gadia u tee iyol you sha u eren ifer sha ishigh ki TER.

1 Utor 22:18

Tsô tor u Iserael kaa a Yehoshafati er: Ashen m kaa a we je mer, una ôrom kwagh u doon ga, saa u bo tsô gaa?

1 Utor 22:8

Tor u Iserael kaa a Yehoshafati er: Or shi môm u sé pine nan imo i TER, ka Mikaia wan u Imla; kpa m kôr un ihom, gadia er ma kwaghôron u profeti u dedoo sha a mo ga, saa kwaghbo tseegh. Kpa Yehoshafati kaa er: Tor a̱ de kaan nahan ga.

Yesaia 49:7

TER, Orpaan u Iserael, Icighan na ngu kaan a Or u i laha Un yum A ndôhôr ior asema la, Wanakiriki u mbatarev la er: Utor vea nenge vea mough sha, atiator kpaa nahan, vea gule inya vea civir, sha ci u TER u A lu u jighjigh, Icighan u Iserael, u A tsough U yô.

Mateu 21:15

Kpa zum u upristi mba tamen man mbangeren ve nenge ityom Na i kpiligh iyol i A er, man mbayev kpaa mba ve lu genger amo ken tempel kaan er: Hosana Wan u Davidi, yô, asema vihi ve.

Mateu 7:28

Tsô er Yesu been akaaôron ne yô, kpiligh ikpelaior iyol a ityesen Na;

Marku 1:22

Kpiligh ve iyol a ityesen Na, gadia A tese ve er ka or u lun a tahav nahan, lu er mbangeren nahan ga.

Marku 11:32

Man aluer sea kaa ser: Ka hen ior yô, nahan ve lu cian ikpelaior, gadia ve cii ve fa er Yohane lu profeti mimi je yô.

Marku 12:12

Tsô ve gba keren ian i vea kôr Un, kpa ve lu cian ikpelaior, gadia ve kav er A ôr injakwagh la sha a ve yô. Maa ve undu Un ve yem.

Marku 3:6

Nahan Mbafarishi due za kohol a ior mba Herode fese, ve gba henen kwagh sha a Na, er vea er man vea wua Un yô.

Marku 6:20

gadia Herode lu cian Yohane sha ci u a fa er a lu or u jighjigh man shi icighanor kpaa yô; a kura un doo doo, a ungwa kwaghôron na acin imôngo je, kondo un iyol; nahan kpaa doo un u ungwan un.

Luka 19:47

A gba tesen ken tempel ayange ayange; kpa upristi mba tamen man mbangeren man mbatamen gba keren u ma ve woo Un.

Luka 2:47

Mba ve lu ungwan Un cii, kpiligh ve iyol sha mkav Na man sha mbamrumun Nav kpaa.

Luka 20:19

Tsô mbangeren man upristi mba tamen gba keren ian sha u vea kôr Un hen shighe la, kpa ve lu cian ikpelaior, gadia ve kav er A er injakwagh la sha a ve je yô.

Luka 4:22

Tsô ve cii ve wuese Un, gba kpiligh ve iyol sha akaaôron a dedoo a a dugh ken zwa Na yô, ve kaa er: Shin ka Wan u Yosev ne ga ase?

YOHANE 7:1

Ken masejime u akaa ne yô, Yesu gba zenden ken Galilia, gadia lu Un pe zenden ken Yudia ga, sha ci u Mbayuda keren Un a ku yô.

YOHANE 7:19

Kera ka Mose lu na ne atindi gaa? man mô wen môm nan we atindi la iko ga. Ka nyi ne keren Mo a ku?

YOHANE 7:46

Udugwer mbala gema kaa er: Mayange or ngu a ôr kwagh er Or ne nahan ga.

Aerenakaa A Mbaapostoli 24:25

Zum u a lu ôron kwagh u perapera, man u kôron iyol tsaha man shi kwagh u ijir i i lu van la yô, Feliku cia sulugha, gema kaa er: Hen shighe ne yô, hira za tsô; iyange i ian ia due dedoo, tsô me yila u;