Marku 11:1 - ICIGHAN BIBILO

¹ Tsô mba va mgbôghom a Yerusalem hen Betefage man Betani hen uwo u Olev yô, A tindi mbahenen Nav uhar,

Marku 11:1 Iomraidhean Croise

2 Samuel 15:30

Tsô Davidi gba kôndon sha gbenda u unden sha uwo u Olev la, lu vaan unden, a yisa ityough nagh, lu yemen, lu a akôv shin angahar ga; ior mba ve lu a na imôngo cii ve yisa ityough vev seer seer, ve lu kôndon vaan yemen.

Sekaria 14:4

Sha iyange la angahar a Na aa tile sha uwo u Olev u u lu Yerusalem sha ishi, vegher u sha ityoughkitaregh la; uwo u Olev ua pav her atô, hii vegher u sha ityoughkitaregh yem shin ityôtar, zegepev una lu ken atô; vegherwo u môm una yem vegher u ken imbusutarimese, ugen di vegher u ken imbusutariyan.

Mateu 21:17

Tsô A undu ve, A due ken gar, A yem ken Betani A za tsa ker.

Mateu 24:3

Tsô za tem sha uwo u Olev yô, mbahenen va her a Na, ve tseegh, ve kaa er: Kera kaa ase se yôô, ka hanma shighe man akaa ne aa ere? Man ka nyi ia lu ikav i sha mve Wou la man i mkurtara?

Mateu 26:30

Mba we icam kera yô, ve due, ve za sha uwo u Olev.

Marku 11:2

A kaa a ve er: Za nen sha wangar u a lu ne sha hemen la; né za nyôron yô, fese je né zua a wanjaki u i zer un u mayange je or lu a henda un ga yô. Sagh, va nen a mi.

Marku 13:3

Za tem sha uwo u Olev yô, tempel lu Un sha hemen, tsô Peteru man Yakobu man Yohane man Anderia va pine Un ken myer er:

Marku 14:13

Tsô A tindi uhar ken mbahenen Nav, A kaa a ve er: Za nen ken gar, tsô or nana va kohol ne, nan tôô ityegh ki mngeregh, yô, dondon nen sha a nan.

Marku 6:7

Tsô A yila mba pue kar uhar, A gba tindin ve uhar uhar, A na ve tahav sha ujijingi mba hôngorouv.

YOHANE 8:1

Kpa Yesu unde sha uwo u Olev.

Aerenakaa A Mbaapostoli 1:12

Tsô ve hungwa sha uwo u i yilan u er Olev u u lu ikua a Yerusalem la, kuma zende u sha iyange i memen nahan, tsô ve hide hen Yerusalem.