Marku 10:32 - ICIGHAN BIBILO

³² Ve lu sha gbenda u zan sha Yerusalem, yô, Yesu kar lu zan ve sha hemen, lu cier ve iyol; mba ve lu van ken ijime yô, ve lu cian. A shi A kohol ve mba pue kar uhar, A gba ôron ve akaa a á va er Un la.

Marku 10:32 Iomraidhean Croise

Sekaria 3:8

Shi ver ato, zegepristi Yosua, we man akar a ou a a tem u sha ishi la, gadia ve ka ior i tesen a tese ikav; gadia nenge, duen Yam a wanakiriki Wam, icerenkon la.

Mateu 11:25

Hen shighe la Yesu gema kaa er: M ngu sughun We, Tere, Ter u Sha man tar, sha er U yer mbafankwagh man mbakavenkwagh akaa ne, kpa U gem U pase anikundanev a yô.

Mateu 13:11

A gema A kaa a ve er: Ne yô, i na ne sha u ne̱ fa akaa a myer a tartor u Sha, kpa ve yô, i na ve ga.

Marku 1:27

Cier ve iyol cii; tsô ve gba pinen ayol a ve, kaan er: Ka nyi nee? Ka nyi ityesen i he nee? Ujijingi mba hôngorough kpaa A wa ve kwagh sha utaha je, ve ungwa imo Na kpaa.

Marku 4:34

Man gbaa ôron ve ma kwagh ga, saa sha injakwagh. Kpa A mase pasen mbahenen Nav akaa cii, ve tseegh.

Luka 10:23

Tsô A gema ken mbahenen Nav A ôr kwagh a ve tseegh A kaa er: Ashe a a nengen akaa a ne nenge ne yô, saan a iyol.

Luka 19:28

Kaan nahan yô, A kar ve sha hemen, A gba yemen sha Yerusalem.

Luka 9:51

Tsô er ayange a á ngohol Un Sha la nga mgbôghom yô, A ver ishigh u zan Yerusalem jighilii,

YOHANE 11:16

Tsô Toma u i yilan un er Didimu la, kaa a mbahenen mbagenev er: Se kpaa sé za, se za kpe nen a Na imôngo.

YOHANE 11:8

Mbahenen kaa a Na er: Rabi, ayange a Mbayuda ve nenge u tan We awen la, nga a ngee ga, man U shi U za ker yee?