Marku 10:22 - ICIGHAN BIBILO

²² Kpa iyol kpe un sha mkaanem mara, a yem a ishima i vihin, gadia lu a inyaregh kpishi.

Marku 10:22 Iomraidhean Croise

Esekiel 33:31

Mba van her a we er ior ve ve nahan, ve tema sha ishigh you er ka ior Av nahan, ve ungwa akaaôron a ou, kpa mba eren sha a ga; gadia mba tesen dooshima ve sha zwa kpishi, kpa ishima ve yô, ngi sha mtsera ve.

Mateu 13:22

Man u i te ivor i nan ken usaa yô, ka u ka nan ungwa kwaghôron la kpa anzughul a tar ne a nyian ishima man icugh i inyar ve va imbishi kwaghôron la, a kera ume atam ga.

Mateu 19:22

Kpa er wanyekwaor la ungwa kwaghôron la nahan yô, a yem a ishima i vihin, gadia lu a inyaregh kpishi.

Mateu 27:3

Tsô Yuda u a nenge mker sha a Na la, zum u a nenge er i na Un ibo kera yô, a vaa afanyô, a za hire upristi mba tamen kua mbatamen a agbenger azurfa ikundugber la,

Marku 10:21

Yesu gem kenger un yô, a doo Un ishima, a kaa a na er: Kwagh shi u môm tsô; za, za tôô akaa a u lu a mi la cii, tee, na mbaatsanev, nahan wea lu a kwagh u injaa Sha; yô, va dondo sha a Mo.

Marku 10:23

Yesu jingi yô, kaa a mbahenen Nav er: Ka ican tsô, u mba ve lu a inyaregh kpishi vea nyôr sha tartor u Aôndo.

Marku 6:20

gadia Herode lu cian Yohane sha ci u a fa er a lu or u jighjigh man shi icighanor kpaa yô; a kura un doo doo, a ungwa kwaghôron na acin imôngo je, kondo un iyol; nahan kpaa doo un u ungwan un.

Marku 6:26

Tsô ishima vihi tor kpishi; kpa sha ci u mbum na la, man mba ve tema hen kwaghyan la yô, kera doo un u nyumen un ga.

Luka 12:15

Tsô A kaa a ve er: Ver nen ishima, kura nen ayol a en sha hanma hua; gadia ka sha u ngeen a akaa kpishi la man or nana lu a uma ga.

Luka 18:23

Kpa ongo akaa ne nahan yô, ishima gba vihin un kpishi gadia lu or u lun a inyaregh kpishi.

2 Mbakorinte 7:10

Gadia ishima i vihin i i dugh her Aôndo ka i na mgemshima u zan ken myom u á kera vaa afanyô sha mi ga yô, kpa ishima i vihin i tar ne yô i ne ku je.

Mbaefese 5:5

Kwagh ne a̱ wanger ne dedoo, hanma or u idya shin or u hwangeregh shin or u hua, ka or u civir akombo je la, nan ngu a dyako ken tartor u Kristu man u Aôndo la je ga.

WASHIKA U SHA UHAR U PAULU APOSTOLI TINDI HEN TIMOTEU - 2TI 4:10

Gadia Dema undum sha ci u tar u ainge ne u doo un yum yô, a yem a nagh Tesalonika. Keresene za Galatia, Titu za Dalematia.