Marku 10:21 - ICIGHAN BIBILO

²¹ Yesu gem kenger un yô, a doo Un ishima, a kaa a na er: Kwagh shi u môm tsô; za, za tôô akaa a u lu a mi la cii, tee, na mbaatsanev, nahan wea lu a kwagh u injaa Sha; yô, va dondo sha a Mo.

Marku 10:21 Iomraidhean Croise

Genese 34:19

Wanyekwaor la kera ngôôr sha kwagh la je ga, gadia wan u Yakob doo un yum yô, man un kpaa, lu a icivir hemba mba hen ya u ter na cii.

Anzaakaa 23:23

Yam mimi, de teen un ga, een, kua kwaghfan man ityesen man mkav kpaa.

Mateu 16:24

Tsô Yesu kaa a mbahenen Nav er: Aluer anti or a sar nan pe van a mo ityô yô, nana̱ nyiman iyol i nan, nana̱ tôô terankon u nan, nana̱ dondo sha a Mo.

Mateu 19:21

Yesu kaa a na er: A lu u ka lun vough yô, za za tôô akaa a u lu a mi, tee, na mbaatsanev, tsô ú lu a kwagh u injaa Sha; yô, hide va dondo sha a Mo.

Marku 10:22

Kpa iyol kpe un sha mkaanem mara, a yem a ishima i vihin, gadia lu a inyaregh kpishi.

Marku 8:34

A yila ikpelaior man mbahenen Nav her a Na, A kaa a ve er: Aluer anti or a sar nan pe van a Mo ityô yô, nana̱ nyiman iyol i nan, nana̱ tôô terankon u nan nana̱ dondo sha a Mo.

Luka 10:42

Kpa kwagh u kwagh a gbe sha mi yô, ngu môm tseegh; Maria yô, tsuwa ci u dedoo u mayange á kera tsuwe un her a na kera ga yô.

Luka 12:33

Gema nen inyaregh yenegh tee nen, na nen iwua. Kor nen akpa a inyar a a bee iyol ga la sha ci wen, ka kwagh u injaa u a lu Sha u una bee ga, ape ormbaiv nana mgbôghom a min ga, ivina kpaa ia vihi ga yô;

Luka 16:9

Man M kaan ne, kôr nen akar sha inyaregh ki ki lu perapera ga ne, sha u zum u kia kera lu ga yô, vea rumun ne ken atumbe a tsôron yô.

Luka 18:22

Er Yesu ungwa nahan yô, A kaa a na er: Kpa kwagh shi u môm tsô: Tôô akaa a u lu a mi la cii tee, na mbaatsanev nahan wea lu a kwagh u injaa Sha yô, va, va dondo sha a Mo.

Luka 19:41

Tsô za mgbôghom, nengen a gar yô, A vaa sha ci na.

Luka 9:23

A kaa a ve cii er: Aluer anti or a sar nan pe van a Mo ityô yô, nana̱ nyiman iyol i nan, nana̱ tôô terankon u nan ayange ayange, nana̱ dondo sha a Mo.

YOHANE 12:26

Aluer anti or nana eren Mo tom yô, Ter Una civir nan, nana̱ dondo sha a Mo; hen ape Mo M lu la, ka her je man or u nan eren Mo tom kpaa nana lu ye. Aluer anti or nana eren Mo tom yô, Ter Una civir nan.

YOHANE 16:33

Akaa ne M ôr ne sha u né lu a bem ken a Mo yô. Shin tar ne yô, ican ngi eren ne; kpa taver nen asema, Mo M hemba tar ne.

Aerenakaa A Mbaapostoli 2:45

Ve tee akaa a ve man inyarev vev, ve kar ayol a ve sha gbayol u hanma or.

2 Mbakorinte 12:15

Mo yô, me vihi akaa a am saan saan shi me na nagh sha iyol yam kpaa sha ci u uuma enev. Er ne doom ishima yum, nahan mo m gema m pande a pande doon nee?

WASHIKA U SHA UHAR U PAULU APOSTOLI TINDI HEN TIMOTEU - 2TI 3:12

Man mba i sar ve pe zenden sha mciviraôndo ken Kristu Yesu cii á tôv ve a ican.

Mbaheberu 10:34

Gadia mbakwarev kpaa, mhôônom kôr ne a ve; zum u i ya ne ishar kpaa, vihi ne ga ne lu saan saan je gadia ne ayol a en kpaa ne fa er ne lu a kwagh u hembandoon man u lun gbem yô.

Yakobu 2:10

Gadia or u nan we atindi cii iko kpa nana nôngo gbev sha ankwagh môm tsô yô, nan hingir u lun a ibo sha mi cii kera ve.

Mpase U Yohane 2:14

Kpa akaa shim a we kpeghee, ka er u lu a mbagenev hen a we mba ve kusu ityesen i Balaam u a tese Balaki er a̱ gbihi kwaghhônon sha ishigh ki ônov mba Iserael la; ka u yan inyamakombo man shi u eren idya je la.

Mpase U Yohane 2:20

Kpa kwagh u a shim a we yô, ka er u gbe den Yesebel kwase u a yer iyol na er profeti la, ngu tesen man ngu tsughun mbatomov Av er ve̱ er idya shi ve̱ ya inyamakombo kpaa.

Mpase U Yohane 2:4

Kpa kwagh shim a we, ka er u undu dooshima wou u hiihii la yô.