Marku 1:27 - ICIGHAN BIBILO

²⁷ Cier ve iyol cii; tsô ve gba pinen ayol a ve, kaan er: Ka nyi nee? Ka nyi ityesen i he nee? Ujijingi mba hôngorough kpaa A wa ve kwagh sha utaha je, ve ungwa imo Na kpaa.

Marku 1:27 Iomraidhean Croise

Mateu 15:31

kpiligh ikpelaior iyol, er ve nenge mbakondonaker lu lamen, mbakeer hingir dedoo, mbasombon lu zenden, mbaapirashe lu nengen; tsô ve gba civir Aôndo u Iserael.

Mateu 8:9

Gadia mo kpaa m ngu or u m lu sha ikev i mbagenev, man m gema m ngu a mbautyav sha ikev; man ka mea kaa a ugen mer: Za, kpa nan za je; mea kaa a ugen mer: Va, shi nan va je; mea kaa a wanakiriki wam mer: Er nahan, nan er je.

Mateu 9:33

Er i dugh jijingi u bo kera yô, orkondoniker la gema gba lamen. Tsô kpiligh ikpelaior la iyol, ve kaa er: Mayange mba a nenge a imbakwagh ne ken Iserael ga.

Marku 1:26

Tsô jijingi u hôngorough la zômon un iyol; genger imo taver taver yô, a due ken a na kera.

Marku 1:28

Nahan gwa Na gema samber ken iningirtar i Galilia cii, fese je.

Marku 10:24

Cier mbahenen Nav iyol sha kwaghôron Na la. Kpa Yesu shi kimbir kaan a ve er: Mbayev, u nyôron sha tartor u Aôndo ka ican tsô.

Marku 10:32

Ve lu sha gbenda u zan sha Yerusalem, yô, Yesu kar lu zan ve sha hemen, lu cier ve iyol; mba ve lu van ken ijime yô, ve lu cian. A shi A kohol ve mba pue kar uhar, A gba ôron ve akaa a á va er Un la.

Marku 16:5

Mba nyer ken uwar la yô, ve nenge wanyekwaor tema ken uwegh ku yanegh, haa gôgôriga u pupuu; cier ve iyol.

Marku 16:6

Kpa a kaa a ve er: I̱ de kera cier ne iyol ga; ne mba keren Yesu u Nasareti, u i mande Un sha terankon. A nder, ngu heen ga; nenge nen henpe i ver Un la.

Marku 7:37

Kpiligh ve iyol je zua ga, ve gba kaan er: A er akaa ca ca cii doo doo je, A er mbakondonato mba ungwan, mbakondonaker kpaa mba lamen.

Luka 4:36

Nahan cier ve iyol ve gba ôron kwagh ayol a ve kaan er: Ka nyi injakwaghôron ne? Gadia ka sha utaha man sha agee A yange ujijingi mba hôngorough man ve dugh ye.

Luka 9:1

Tsô A yila mba pue kar uhar, ve kohol imôngo, A na ve agee man tahav sha ujijingi mba bov cii, man u been angev kpaa.

Aerenakaa A Mbaapostoli 17:19

Tsô ve kua a na, ve za a na sha Areopagu, ve kaa a na er: U shi rumun u kaan se ityesen i he i u lu ôron kwagh u i ne kpa?