Malaki 4:1 - ICIGHAN BIBILO

¹ Gadia, nenge iyange ngi van ngi yeghen er usu u sha atse nahan; mbagengeseyol cii, man mbaerenafer cii vea hingir atôayia, man iyange i i ve la kpaa ia hia ve kera— kape TER u akum a Sha A kaa ne—je, ia shi ve mise shin gbaa kpaa ga.

Malaki 4:1 Iomraidhean Croise

Yobu 18:16

Amise a nan uma shin inya, vegher u sha yô, gbaa u nan use.

Upasalmi 119:119

U kough mbaaferev shin tar kera ca ca, er ka hugh nahan, ka nahan man mbampase Ou ve doom ishima ye.

Upasalmi 37:9

Gadia á va tim aferaior kera; kpa mba ve veren ashe hen TER yô, ka ve vea ya dyako u tar ye.

Ekesodu 15:7

Sha ivesen i icivir You yô, U gbihi mba ve hendan a We mbala inya; U tindi iyugh You va nande ve kera er adenga a alakema nahan.

Yesaia 40:24

I môôr ve ica ngi a gba ga; i lôô ve ica ngi a gba ga; er itine ve i lu a kôr amise shin inya ica ngi a gba kpaa ga, A ta ahumbe sha a ve, ve use kera; hiar a va kura ve kera er atighir a uwua nahan.

Yesaia 41:2

Ka an nan kpoghol or la vegher u sha iyangeiduen, u mhembe va kohol un sha hanma iaven i nguhar na la? Ka an nan gem akuraior nan ne a sha ikev na er a̱ ndyar utor shin angahar, a̱ er ve, ve̱ hingir er ihundu nahan sha sanker na, man er imough i purugh nahan, sha ada na la?

Yesaia 47:14

Nenge, ve hingir er atighir a toho nahan; usu hia ve kera; ve fatyô u waren ayol a ve sha agee a usu ga; ka akausu a ôson ga, shin usu u á tema hen u kpaa ga.

Yesaia 5:24

Nahan yô, er nomborusu ka u hia atôayia man er toho u uman kpaa ka u haa inya sha usu, kape mise ve ua vôngo la, imondon ve kpaa una mough er ihundu yô, gadia ve venda ityesen i TER u akum a Sha, ve laha kwaghôron u Icighan u Iserael la.

Yesaia 9:18

Gadia ifer hie er usu nahan, i nande ukôrakondo kua usaa kera; mimi je, ngu hie ikô i i we mgbigh mgbigh yô, zan zan i kôndo sha er mnyim ma ma vingir ma yem sha nahan.

Yesaia 9:19

Sha iyugh i TER u akum a Sha yô, inya hia kera, ior kpaa ve hingir er kwagh u keer usu a mi yô; or zungwe anngô u nan ga.

Esekiel 20:38

man Me yegher mbahendan kwagh ker atô wen kera kua Mbaperen atindi a Am kpaa; Me due a ve ken tar u ve lu shir ker la, kpa vea nyôr ken tar u Iserael ga, man nea fa er Mo M lu TER ye.

Esekiel 21:32

Ú hingir kwagh u keer usu a mi; awambe a ou aa lu ken atô u tar, á kera umbur we sha won ga; gadia ka Mo TER M kaa nahan ye.

Esekiel 24:11

Nahan penda ki sha usu gbilin, ki̱ tsee, togola u ki a̱ enger, sha u ihôngor i ki, i̱ sough ken ki kera, man nduran u ki kpaa u̱ hia kera yô.

Esekiel 34:17

We ikumuile Yam yô, kape Ter AÔNDO A kaa ne: Nenge, Me ôr ijir her atô u iyôngo a iyôngo man her atô u anomaiyôngo a ukpev.

Esekiel 7:10

Nenge, iyange, nenge, i ngi van; mtim wou va ve; tôgh hôm, kpar, iyolmoron mende.

Yoel 2:1

Tôngo nen korough ken Shion, gbire nen shishavaa sha icighanwo Wam; mba ve tem shin tar cii ve̱ gbidye ikarikase iyol, gadia iyange i TER ngi van, i mgbôghom je ve;

Yoel 2:31

Iyange ia gema ia hingir ime, uwer kpaa ua hingir awambe man iyange i TER i vesen i cieryol ia va ye.

Amoshi 2:9

Nahan kpaa ka Mo M tim Amor sha ishigh vegh, u ityaven na lu er ityaven i usedar je, man a taver agee er ikon i ouki yô; M tim atam a na sha man amise na kpaa shin inya.

Obadia 1:18

Ya u Yakob una hingir usu, ya u Yosev kpaa una lu nombor usu, ya u Isou yô, una lu ayia, vea yegh ker vea hia a; ma kwagh á shi ken ya u Isou ga, gadia ka TER A kaa nahan ye.

Nahum 1:10

Gadia shin er ve lu er adagher a usaa nahan, man ve heen ayol er ka sha kwaghman ve la kpaa, á nande ve kera er ayia a ombor nahan.

Sefania 1:14

Iyange i vesen i TER mgbôghom, ngi van fefa je; ungwa ihuran i iyange i TER! Orageegh ngu vaan tsung heregh.

Sefania 1:18

Azurfa ve shin zenaria ve, vea fatyô u yiman ve sha iyange i iyugh i TER ga; kpa sha usu u iwuhe Na la, tar cii ua hia kera; gadia Una va a mtim, ka mkur u cieryol je, sha mba ve tem ken tar cii.

Sekaria 14:1

Nenge, iyange i TER ngi van, i á kar ishar you ken atô wou yô.

Malaki 3:15

Hegen yô, se mba yilan mbagengeseyol ser: Mba i saan ve iyol; mbaeren iferkwagh mba maan ve a maa tseegh ga, ka ve kar Aôndo nahan kpaa ve war.

Malaki 3:18

Tsô né gema né kav mkposo u orperapera a iferor, man u or u civir Aôndo a or u civir Un ga la.

Malaki 3:2

Kpa ka anti nana hendan ishigh a iyange i mve Na laa? Man ka anti kpaa nana tile sha zum u Una ande laa? Gadia ngu er ka usu u orsoughon iyôgh nahan, man er icahul i or u ôôn akondo yô;

Malaki 3:3

Una tema er orsoughon man orsôron azurfa sha u a̱ hingir wang yô, Una wanger ônov mba Levi, Una wanger ve wang er zenaria man azurfa nahan; nahan vea na TER nagh sha perapera.

Malaki 4:5

Nenge nen, tindin Yam ne a profeti Eliya er iyange i vesen i cieryol i TER i lu a va ga yô.

Mateu 3:12

tser ngu sha uwegh Nagh, Una ese vande Na tsembelee, Una kohol uwua Na, una za ombo sha una, kpa akoo yô, Una nande sha usu u pirin mayange ga.

Luka 19:43

Gadia ayange nga van sha a we, a mbaihomov ou vea maa u gar, vea wa u atô, vea kura u hanma imbusu.

Luka 21:20

Man zum u né nenge akumautya aa kase Yerusalem á wa atô yô, fa nen je ner, mtim na kuma ve.

Luka 6:23

Ember nen sha iyange la, tsuwe nen sha iember kpaa, gadia nenge, injar yen vese Sha; gadia kape uter vev er a uprofeti je la.

2 Timoteu 1:8

ken igyamusu; Una tsaha mba ve fe Aôndo ga man shi mba ve we Loho u Dedoo u Ter wase Yesu iko ga la kpaa.

2 Peteru 3:7

Kpa Usha mba ve lu hegen kua tar cii, ka sha imo la i môm i môm man i ver shi i kuran ve sha ci u usu, zan zan á va kuma sha iyange i ijirigh man mtim u mba ve vende Aôndo la ye.