Malaki 3:8 - ICIGHAN BIBILO

⁸ Or nana fatyô u iin Aôndo kwagha? Nahan kpaa ne mba iin Mo kwagh. Kpa ne mba kaan ner: Ka han se ii U kwagha? Ka sha môm-ken-upue la, man sha iniav mbi nan kpaa.

Malaki 3:8 Iomraidhean Croise

Upasalmi 29:2

Na nen TER iengem i i kom sha iti Na yô, civir nen TER a uicighanmbaakondov iyol.

Anzaakaa 11:24

Orgen ka or u nan akaa a nan kera nahan kpaa akaa a nan a seer a seer; man ugen di yô, ka nan kusu, i kar ikaa inya, nahan kpaa nan hingir oribanave.

Yesaia 43:23

U vam a iyôngo i nagh ough ku nanden ga, u civir Mo sha nagh ough ku sôngon kpaa ga. Mo M kighir we Mer, va nam nagh ku sha samuyia ga, M za u iyol sha nagh ku nanden ku human doon kpaa ga.

Levitiku 19:25

Inyom i sha utaan la yô, ya nen atam a i, sha er ia seer umen ne atam yô; ka Mo TER M lu Aôndo wen ye.

Sekaria 5:3

Tsô a kaa a mo er: Ngun ka ifan i, i dugh i lu zenden sha tar cii yô, gadia hanma or u nan iin yô, ka sha i á tim nan kera hegen ye; hanmô u nan bumun kpaa, ka sha i á tim nan kera hegen ye.

Malaki 1:13

Shi ne kaa kpaa ner: Nenge er i lu kwagh u zan iyol yô! Shi ne ta un ahenga kpaa, kape TER u akum a Sha A kaa ne; shi ne va a kwagh u iin a ii man iwankwagh, man kwagh u a lu uange; ka nagh ku ne ne je la; nahan doo u Me ngohol ku sha ave a en kpa? Kape TER A kaa ne.

Malaki 1:8

Zum u ka nea naan nagh sha kwagh u pirin ashe la, ka kwaghbo gaa? Man zum u ka nea naan nagh sha iwankwagh, shin kwagh u a lu uange yô, ka kwaghbo gaa? Na ase ortaregh wou kwagh la, á doo un a we kpa? Una rumun we kpa? Kape TER u akum a Sha A kaa ne.

Mateu 22:21

Ve kaa a Na er: Ka u Shisar je. Tsô A kaa a ve er: Na nen Shisar akaa a a lu a Shisar yô, Aôndo kpaa na nen Un akaa a a lu a Aôndo yô.

Marku 12:17

Nahan Yesu kaa a ve er: Yô, na nen Shisar akaa a a lu a Shisar yô, Aôndo di kpaa na nen Un akaa a a lu a Aôndo yô. Kpiligh ve iyol a Na kpishi.

Luka 20:25

A kaa a ve er: Na nen Shisar akaa a a lu a Shisar yô, Aôndo kpaa na nen un akaa a a lu a Aôndo yô.

Mbaromanu 13:7

Kimbi nen hanma or kwagh u a lu u á kimbi nan la, orngohol kpandegh yô, i̱ ta nan kpandegh, or u saven kpaa i̱ rumun nan u saven, or u i lu u á cia nan kpaa, i̱ cia nan, or u i lu u á civir nan kpaa i̱ civir nan je.

Mbaromanu 2:22

We u u kaan wer, i̱ de eren idya ga ne, u gema u ngu eren idya? We u u nyagh akombo ne, u gema u ngu yan ishar sha akaa a ken utempel mba mbaaôndo?

Yosua 7:11

Iserael er isholibo; een, ve aver ikuryan Yam je, i M ye a ve la; een, ve tôô kwagh sha akaa a i te icin sha mi la; iv kpaa ve ii, icugh kpaa ve tsugh man ve ver un ken ikav vev je.