Malaki 3:5 - ICIGHAN BIBILO

⁵ Me kporom her a ven sha u ôron ijir, Me lu Orshiada fese je sha mbaahiriv man sha udyambaiorov man sha mbabumun sha aie man sha mba ve kighir or u eren tom sha tôndo sha injar i nan, kua kwasecôghol man wancôghol kpaa, man mba ve daan shiror kera, man ve ciem ga, kape TER u akum a Sha A lu kaan ne.

Malaki 3:5 Iomraidhean Croise

Genese 20:11

Aberaham kaa er: M hen mer, mayange mba cie Aôndo hen ijiir ne ga; yô, vea va wuam sha ci u kwase wam.

Genese 42:18

Sha iyange i sha utar la, Yosev kaa a ve er: Ka kwagh u né er, ve né lu uma ne; gadia mo m cie Aôndo:

Nehemia 5:15

Kpa ugomna mba ve vande teman a mo yô, ve yuhwan ior ikav, ve ngohol bredi man wain her a ve, man shi azurfa ushekel akunduahar; mbatomov vev kpaa lu eren tahav sha ior; kpa mo yô, m er nahan ga, sha ci u cian Aôndo.

Yobu 31:12

Gadia ka usu u hian zan zan aren ken mtim je, u ua vihim akaa am a m zough a mi cii kera.

Yobu 7:2

Er kpan u mure ka a sar nan tsung yô, man er or u eren tom sha tôndo ka nan ver ishima sha injar i nan nahan,

Upasalmi 36:1

Kwaghbo ngu a ôr kwagh a iferor ken atô u ishima i nan; —nan cie Aôndo je ga—

Upasalmi 81:8

Ungwa nen ase, ne ior Av, Mo Me pase ne, we Iserael, a lu u pe ma u ver ato her a Mo yô.

Upasalmi 96:13

sha ishigh ki TER, gadia ngu van, ngu van sha u ôron tar ijir; Una ôr tar ijir sha perapera, man akuraior kpaa sha mimi Na.

Upasalmi 98:9

sha ishigh ki TER, gadia ngu van u va ôron tar ijir; Una ôr tar ijir sha perapera, man akuraior kpaa sha mimi.

Ekesodu 1:17

Kpa ve mbakôronmar mbala, ve cian Aôndo, nahan ve er er tor u Igipiti wa ve kwagh la ga, ve de ônov mba nomso ve lu uma.

Ekesodu 18:21

Shi ú sange ior mba fan kwagh ken ior cii, mba ve cie Aôndo, mba mimi, mba ve vende inyaregh ki yamen ishô; ver ve sha ior, ve̱ lu mbavesen sha ior dubu dubu man sha ior deri man sha ior akunduahargber akunduahargber man sha ior pue pue,

Ekesodu 20:7

De teren iti i TER Aôndo wou dang ga; gadia or u nan teren iti i TER dang dang yô, Una na nan ishô mayange ga.

Ekesodu 22:20

Or u nan ne ma aôndo ugen nagh ku sôngon i lu TER tseegh ga yô, i̱ tim nan kera purututu.

Anzaakaa 16:6

Ka sha mhôônom ma zungwen kua mimi i wanger afer kera ye, ka sha mcie u cian TER kpaa, ior ve undun kwaghbo ye.

Anzaakaa 8:13

Mcie u cian TER yô, ka u vendan kwaghbo je; iyolmoron man iceen man gbenda u bo kua zwa u u er kwagh sha ifer yô, m vende.

Yesaia 57:3

Kpa ne yô, kporom nen heen, ne ônov mba kwase u eren ahir, vor u idyaor man u agbaga.

Yeremia 23:10

Gadia tar ne iv a udyambaiorov; ifan gema na tar mzungu; ajiir a yan toho a ken taaikôngo uma cii; kwagh u ve ze her ayem yô, saa ka u bo; gbenda u ve keren tahav a mi yô, ka u mimi ga.

Yeremia 27:10

Ka aie ve tsengeôron ne ye, sha u karen a ven hen tar wen kera, yemen a ven ca; man sha u M̱ zenda ne ne̱ saa ishe kera yô.

Yeremia 27:9

Nahan ne yô, de veren nen ato sha uprofeti enev, shin sha mbakpehenasor enev, shin sha mnyam ma cien enem, shin sha mbatsenganfan enev, shin sha mbaahiriv enev kpaa ga, mba ve er kwagh aven ve kaa er: sha ikev i tor u Babilon ga la.

Yeremia 29:23

sha ci u ve er kwagh u ibume ken Iserael, man ve er idya a kasev mba ior mba wan ndor a ve man ve ôr kwagh ken iti Yam sha aie je, kwagh u M ne ve zwa sha mi ga yô; ka Mo M fe, shi M eren shiada kpaa ye, kape TER A̱ kaa ne.

Yeremia 42:5

Nahan ve gema ve kaa a Yeremia er: TER A̱ hingir shiada u mimi man u jighjigh, u nan se ibo, aluer sea kera er sha kwaghôron u TER, Aôndo wou, A tindi u a mi her a vese la cii vough ga yô.

Yeremia 5:2

Shin vea kaa er: Er TER A lu u uma ne, nahan kpa mba bumun sha aie.

Yeremia 5:29

Me kera tsaha akaa ne gaa? Kape TER A pin ne; uma Wam kpaa una kera or imbaikurior ne iyev gaa?

Levitiku 19:13

De imbishi or u nan we ndor a we ga, shi de ye nan kwagh sha apera kpaa ga; injar i ortom u sha tôndo i̱ de tse her a we zan zan sev mbu aven ga.

Levitiku 20:10

Or u nan er idya a kwase u orgen, ka u nan er idya a kwase u or u nan we ndor a nan yô, idyaor la kua idyakwase la kpaa, i̱ wua ve kpee je.

Levitiku 20:27

Aluer nomsoor shin kwase nana lu a jijingi u orkpen shin tsenganpasen akaa yô, i̱ wua ve kpee, i̱ ta ve awen; awambe a ve a̱ lu sha ityouv vev.

Levitiku 20:6

Or u nan ze hen ujijingi mba mbakpenev man mbatsenganpasen akaa sha u nana er idya sha u dondon ve yô, Me kera saan ishigh a or la ga, Me dugh nan ken nongo u nan kera.

Mika 1:2

Ungwa nen, ne ior cii; ver ato, we tar man akaa a a lu ken u cii; Ter AÔNDO A̱ lu shiada u hendan a ven, Ter ken icighantempel Na je.

Habaku 1:12

We, U kera lu hiihii je ga, TERE, Aôndo wam, Icighan wama? Sé kpe ga. TERE, U va a ve sha ci u mtsaha, man We Vande, U ver ve sha u kôôm ior.

Sekaria 11:12

M kaa a ve, mer: Aluer a doo ne yô, nam nen injar yam; kpa aluer a doo ne ga yô, de nen. Nahan ve kar agbenger a azurfa ikundugber sha ci u injar yam.

Malaki 1:6

Wan civir ter na, ortom kpaa civir orvesen na; aluer Mea lu ter yô, icivir Yam ngi hana? Man aluer Mea lu orvesen yô, mcia u i ciem ngu hana? Kape TER u akum a Sha A kaa a ven ne, upristi mba ne lahan iti Yam la; nahan kpaa ne kaa ner: Se laha iti You hana?

Malaki 2:14

Ne mba pin ner: Ka sha ci u nyi? Ka sha ci u TER ngu Orshiada her atô wou a kwase wou u u er un iyev, u u er a na sha mimi ga la, shin er a lu ijende you man kwase wou u sha ikuryan je nahan kpaa.

Malaki 2:17

Ne za TER iyol sha akaaôron a en. Nahan kpaa ne mba kaan ner: Hanma or u eren iferkwagh ka or u doon sha ishigh ki TER yô, doo Un a ve kpaa; shin: ka han Aôndo u mimi A luou?

Luka 23:40

Kpa ugen la gema zôhô a na, kaa er: Aôndo je kpaa u shi cie ga, er ijir you i lu i môm a Na yôô?

Mbaromanu 3:8

Ka nyi man se kera gbe eren akaabo sha u akaadoon a̱ due sha mi ga? Kape mbagenev ve lamen sha a vese dang, ve kaan er kape se kaan la. Ijir i i ne ve ibo la ka sha min je.

Duteronomi 15:13

Kpa aluer ú pase nan wer nana̱ due hen awe yô, de deen, nana̱ yemen ave gbilin ga;

Duteronomi 18:10

Or u nan er wan u nan u nomso shin u kwase a kar ken usu, i̱ de zough a nan ken a we ga, shin or u kpehen ishor, shin or u eren ahir, shin or u pasen uivande, shin or u lamen ishor,

Duteronomi 24:17

De vihin ijir i shiror shin ancôghol kpaa ga; man de ngohol ikondo i kwasecôghol ityungu ga.

Duteronomi 27:19

Ifan i̱ kôr or u nan vihi ijiir i shiror shin ancôghol shin kwasecôghol. Ior cii ve̱ rumun er: Amen.

Duteronomi 5:11

De teren iti i TER, Aôndo wou, dang ga; gadia or u nan teren iti i TER dang dang yô, Una na nan ishô mayange ga.

1 Mbatesalonika 4:6

Ma or môm nana̱ de kera tsughun anmgbian u nan sha kwagh ne, nana̱ eren nan kwagh u vihin ga, gadia Ter ka u oron iyev sha akaa ne cii er se vande kaan ne shi se pase ne nahan kpaa.

Mbaheberu 13:4

Ivaa i̱ lu kwagh u icivirigh hen ior cii, gambe u ivaagh kpaa a̱ de lu a acôghol ga, gadia Aôndo Una ôr mbaerenijimba man mbavihin ivaa sha idya la ijir.

Yakobu 5:12

Kpa kwagh u a hembe cii yô, anmgbianev av, de bumun nen ga, shin a lu sha kwavaôndo shin a lu sha tar shin mbum ugen kpaa ga, kpa “een” wen yô, a̱ lu “een” man “ei” wen kpaa shi a̱ lu di “ei” je, sha u né va gba ken ibo i yan ga yô.

Yakobu 5:4

Nenge mba ve yar sunda ken ishule yen yô, injar ve i ne ya la ngi genger imo. Ivaa i mbasundan kpaa i nyôr ken ato a Ter u akum a Sha.

Mpase U Yohane 21:8

Kpa mbaciankwagh man mbanan jighjigh ga, man mba kwagh ve a ndôhôr ishima la man mbawuanior man mbadyarev man mbaahiriv man mbacivirakombo man mbaerenaie cii, kwar ve ngu ken ber u a lu hian sha usu man sulfur, ka ku u sha uhar je la.

Mpase U Yohane 22:15

Ken won yô, ka iwa man mbaahiriv man mbadyarev man mbawuanior man mbacivirakombo man mba aie a doo ve ishima shi ve eren un kpaa la.