Malaki 3:2 - ICIGHAN BIBILO

² Kpa ka anti nana hendan ishigh a iyange i mve Na laa? Man ka anti kpaa nana tile sha zum u Una ande laa? Gadia ngu er ka usu u orsoughon iyôgh nahan, man er icahul i or u ôôn akondo yô;

Malaki 3:2 Iomraidhean Croise

Genese 19:28

te ashe nengen ken ian i Sodom man Gomora kua gbulumaa u tar la cii yô, a nenge mnyim hen inya lu kôndon sha, er ka mnyim ma duen ken atse yô.

Yobu 28:1

Gadia ijiir i azurfa a dugh her, ngi, shi ijiir ngi sha ci u zenaria u i ser un la kpaa.

Upasalmi 130:3

TERE, aluer Wea we aferakaa iko yô, ka an ma nan til sha, Tere?

Upasalmi 2:7

Me pase awashima u TER: A kaa a Mo er: We, U ngu Wan Wam je, Mo M mar U nyian.

Upasalmi 76:7

Ka We, U kom u á cia U ye; ka an je nana tile U sha ishi zum u U yuwen laa?

Anzaakaa 25:4

Kura hugh u azurfa kera, tsô ikagh kia due orvareniwa ker;

Yesaia 1:18

Va nen ase, sé hen nen kwagh imôngo, kape TER A kaa ne; shin er asorabo a en a nyian bong, nahan kpaa aa kungu er awombo nahan; shin er a nyian er kpagh nahan kpaa aa kungu er mou nahan.

Yesaia 33:14

Mbaeren asorabo ken Shion mba cian; mba ve we Aôndo iko ga la, akarkase gbidye ve iyol. Ka anti wase nana fatyô u teman a usu u hian imôngo? Ka anti wase nana fatyô u teman a icôronmhie imôngoo?

Yesaia 4:4

shighe u TER Una ôô hôngor u ônkasev mba Shion kera la, man Una kile awambe a Yerusalem her atô na kera, sha Jijingi u ijirigh man Jijingi u koughon kwagh kera.

Yeremia 2:22

Shin u ôô iyol you sha mtse man u tôô icahul kpishi, nahan kpaa iferkwagh you ngi sha ishigh Yagh er zure u koughon ga nahan, kape Ter AÔNDO A kaa ne.

Esekiel 22:14

Ishima you ia fatyô u taver her, ave ou kpaa a a fatyô u taver sha ayange a Me ta num sha a we laa? Ka Mo TER M kaa kwagh ne ye, shi Me kure un kpaa.

Daniel 11:35

Ken mbafankwagh mbala kpaa, mbagenev vea gba, sha u i̱ sôr ve man i̱ wanger ve man i̱ gema ve ve̱ kungu segh segh, zan zan sha shighe u mkur; gadia una kuma sha shighe u i ver la.

Yoel 2:11

TER genger imo sha ishigh ki mbautyav Nav la, gadia ikumutya Na kehe gande; un u a eren sha imo Na la, ka u ageegh; gadia iyange i TER ka i vesen je, i cier iyol kpaa, ka an nana fatyô u hendan ishigh a ii?

Nahum 1:6

Ka an nana fatyô u hendan ishigh a iyugh Na? Ka an nana fatyô u teman hen mtsee u ishimavihin Na? Iyugh Na ngi haan er ka usu yô, avande nga paven sha ishigh Nagh.

Sekaria 13:9

Me haa ikum i sha utar la ken usu, Me wanger ve er ka i wanger azurfa nahan, Me kar ve er ka i kar zenaria nahan; vea yila sha iti Yam, Mo kpaa Me ungwa ve; Me kaa Mer: Ka ior Av; ve kpaa vea kaa er: TER ka Aôndo wam je.

Malaki 4:1

Gadia, nenge iyange ngi van ngi yeghen er usu u sha atse nahan; mbagengeseyol cii, man mbaerenafer cii vea hingir atôayia, man iyange i i ve la kpaa ia hia ve kera— kape TER u akum a Sha A kaa ne—je, ia shi ve mise shin gbaa kpaa ga.

Mateu 25:10

Tsô mba ngur yemen sha u za yamen yô, orkwasehe za va; mba ve wa ago iyol la ve nyôr a na imôngo ken iyou i iniongo i kwasehe maa i wuhe hunda.

Marku 9:3

Akondo a Na gema engem, kungu segh segh, er orkilenakondo kungun a u shin tar ne mayange nana fatyô u kungun a nahan ga.

Luka 2:34

Tsô Shimeon ver ve doo doo, shi a kaa a ngô Na, Maria, er: Wan ne yô, i ver Un sha ci u mgbe man mmough u ior kpishi ken Iserael, man shi sha ci u ikav i á nyiman i yô

Luka 21:36

Nahan kuran nen shi eren nen msen hanma shighe cii, sha er né kuma u waren akaa a á va er la cii, man né tile sha ishigh ki Wan u or yô.

Luka 3:17

Tser ngu sha uwegh Nagh, Una ese vande Na tsembelee, Una kohol uwua Na Una za ombo sha una Na; kpa akoo yô, Una nande sha usu u pirin mayange ga.

Luka 3:9

Ahegen kpaa i ver ijembe hen misekon; hanma kon u u um atam a injaa ga yô, á gber u kera, á kende ken usu.

Luka 7:23

Man saan or u kwagh Wam a ne nan anzughul ga la iyol.

YOHANE 8:55

Kpa ne fa Un ga; Mo yô, M fa Un; aluer Mea kaa Mer; M fa Un ga yô, ma M hingir oraie er ne nahan je; kpa M fa Un, shi M we kwaghôron Na iko kpaa.

Mbaheberu 12:25

Ver nen ishima, de vende nen Un u A lu ôron kwagh la ga. Gadia aluer mbala mba ve vende Un zum u A wa ve kwagh shin tar la ve war ga yô, man hire se mba se vende Un hegen er A lu ôron kwagh a vese Sha yee?

Mpase U Yohane 19:8

I rumun un er a̱ wuha iyol sha akondo a pupuu a dedoo a engem ashe man a wang kpaa— gadia akondo a pupuu a dedoo la yô, ka aeren a perapera a uicighanmbaiorov.

Mpase U Yohane 2:23

man Me wua ônov nav sha ku. Iniongo i Kristu cii ia fa er i lu Mo je M tim ahi man asema ye; man Me na ne injar sha inja i aeren a en ser ser.

Mpase U Yohane 6:17

gadia zegeiyange u iyugh Na kuma ve, ka an je nana fatyô u tilen sha?

Mpase U Yohane 7:14

M gema m kaa a na mer: Terem, we u fa. Tsô a kaa a mo er: Mban ka mba ve dugh ken zegecan la yô; ve ôô uriga vev ken awambe a Waniyôngo, ve kungu ve.

1 Samuel 6:20

Nahan ior mba Bete-Shemeshi kaa er: Ka an nan fatyô u tilen sha ishigh ki TER, Aôndo u wang, nee? Una mough hen a vese heen yô, Una kôndo Una za sha unô?