Malaki 1:9 - ICIGHAN BIBILO

⁹ Hegen yô, shi zamber nen Aôndo, A̱ zungwe se mhôônom; ka ne ne er akaa ne ye; nahan kpaa shi Una rumun mô wene? Kape TER u akum a Sha A kaa ne.

Malaki 1:9 Iomraidhean Croise

2 Kroniku 30:27

Tsô upristi man Mbalevi mough, ver ior doo doo. Nahan i ungwa imo ve, msen ve kpaa kôndo ar sha icighanjiir Na u teman, za ar Sha je.

Ekesodu 32:11

Kpa Mose zamber a TER, Aôndo na, er: Ku TERE, ka nyi man iyugh You i mough a ior Ou ityô, mba U dugh a ve ken tar u Igipiti sha agee a vesen man uwegh ku ageegh nahana?

Yeremia 26:19

Nahan Hisekia tor u Yuda kua ior i Yuda cii, ve wua un kpa? A cia TER gaa, man a zamber a TER, TER kpaa vaa afanyô de kwagh u bo u lu ôr sha a ve la gaa? Se yô, se mba kpelan kwaghbo u vesen haan sha uuma asev je.

Yeremia 27:18

Kpa aluer vea lu uprofeti je, man kwaghôron u TER una lu a ve yô, nahan yô, ve̱ zamber ase a TER u akum a Sha, er ikav mbi mbi shi ken iyou i TER man ken iyou i tor u Yuda man ken Yerusalem mbia za sha Babilon ga yô.

Ukwelegh 2:19

Mough, vaa mliam tugh, sha mhii u mbamkor mba utugh, ur ishima you inya er mngerem nahan sha ishigh ki TER; kende ave a ou sha her a Na sha ci u uma u mbayev ou mba ve hum sha ijen sha ityough ki hanma gbenda yô.

Yoel 2:12

Shin hegen je kpaa, kape TER A kaa ne: Gema nen her a Mo a asema a en cii, a kwaghyan u hôron man mliam ashe man a ijungwen,

Yoel 2:17

Upristi, mbaerentom u TER, ve̱ vaa hen halegh u puadwer a atse a nanden nagh sha mi la, ve̱ kaa er: Tsegha ior Ou ver ve kposo TERE, de kera gbihin dyako Wou ken iheen je er akuraior aa nahan ve tar ga; ka sha ci u nyi man vea kaa ken akuraior er: Aôndo ve ngu hana?

Amoshi 5:22

Een, shin er ne nem iniav mbi nanden man iniav mbi sha samuyia, nahan kpaa Me ngohol mbi ga; iniav mbi bem mbi ne ne sha uzendenya enev mba wan ahôm la kpaa Me kera ver ishima sha mi ga.

YOHANE 9:31

Se fa Aôndo ongo imo i mbaasorabo ga; kpa aluer hanma or nana civir Aôndo mimi man nana eren ishima Na kpaa yô, ka nan je A ongo nan ye.

Mbaromanu 2:11

Gadia hen Aôndo yô, msange u sha dooshima ngu je ga.

1 Peteru 1:17

Man aluer ne yilan Un er Ter yô, Un u A er ijir i lu sha msange u sha dooshima ga kpa i lu sha ieren i hanma or yô, lu nen a mciem sha ayange a shir wen.