Malaki 1:6 - ICIGHAN BIBILO

⁶ Wan civir ter na, ortom kpaa civir orvesen na; aluer Mea lu ter yô, icivir Yam ngi hana? Man aluer Mea lu orvesen yô, mcia u i ciem ngu hana? Kape TER u akum a Sha A kaa a ven ne, upristi mba ne lahan iti Yam la; nahan kpaa ne kaa ner: Se laha iti You hana?

Malaki 1:6 Iomraidhean Croise

Upasalmi 123:2

Nenge, er ashe a mbashiren nga a lu sha uwegh ku uter vev nahan, man er ashe a wanyekwase nga a lu sha uwegh ku ngô na nahan kape ashe ase kpaa a nengen sha TER, Aôndo wase je la, zan zan Una zungwe se mhôônom.

Ekesodu 20:12

Civir teru man ngôu, er á seer we ayange ken tar u TER, Aôndo wou, A lu nan we yô.

Anzaakaa 17:6

Tsar u sha ityou u mbabeenyol ka ônov mba ônov vev; ihagh i uôn ka uter vev je.

Anzaakaa 30:11

Kov ugen ngu u u we ter ve ifan, man shi u kera veren ngô ve doo doo kpa ga yô,

Anzaakaa 30:17

Ishe i i naha ter u i tar, man ii laha u wan ngô u i iko yô, ugugôô mba shin pev vea dugh i, ônov mba gafa kpaa vea ya i.

Yesaia 1:2

Ungwa nen, ne Usha; ver ato we tar kpaa, gadia TER ôr kwagh er: M koso ônov, m yese ve, kpa ve je, ve gema ve hingir iyongo a Mo.

Yesaia 43:23

U vam a iyôngo i nagh ough ku nanden ga, u civir Mo sha nagh ough ku sôngon kpaa ga. Mo M kighir we Mer, va nam nagh ku sha samuyia ga, M za u iyol sha nagh ku nanden ku human doon kpaa ga.

Yesaia 45:10

Kwagh á tser un u a kaa a ter er: Ka nyi u mara? Shin a kwase er: Ka nyi u toghol mara?

Yesaia 64:7

Ma or u yilan sha iti You u nan torough iyol i nan er nana var a We, nan ngu ga; gadia U yer ishigh You, man U gbihi se se saa sha ikev i aferakaa ase.

Yesaia 64:8

Kpa hegen yô, TERE, U ngu Ter wase je, se mba inyaityuu man We U ngu Ormaan se; se cii se mba tom u ave Ou.

Yeremia 23:11

Gadia profeti kua pristi ve uhar cii mba we Aôndo iko ga; ken iyou Yam je kpaa M tser a ifer ve, kape TER A kaa ne.

Yeremia 3:4

Kera ka hegen tsô u hii u yilan Mo, wer: Tereme! U ngu Ijende yam i sha iyev av, gaa?

Yeremia 31:9

Vea va a mliam ashe je, man ka sha mzamber Me hide a ve ye. Me va a ve hen ukungômbamngerev, sha gbenda u nôô, henpe vea ta nguhar kera ga yô; gadia Mo M ngu Iserael ter je, man Eferaim ka wan Wam.

Yeremia 35:16

Ônov mba Yonadabi wan u Rekabi ve er sha tindi u ter ve wa ve la vough; kpa ior mban yô, ve wam iko ga.

Esekiel 22:26

Upristi nav vihi atindi a Am, ve hôngor a uicighanmbaakaav Av; ve kera pav icighankwagh kposo a kwagh u a lu u tseghan ga la, ga; man shi ve tese ior u kaven mkposo u kwagh u a lu wang ga, a kwagh u a lu wang la, ga; man ve kusu ashe ve sha ayange a memen a Am; i laham, i kera civir Mo ker atô ve ga.

Hosea 12:8

Nahan Eferaim kaa er: M hingir ornyar ve, m tser a inyaregh; ken akaa am cii, i zua a ma kwagh u ifer ken a mo u lun isholibo ga.

Hosea 4:6

Ior Av ve saa ishe sha ci u mban u mfe; sha ci u u vende mfe yô, Mo kpaa Me venda u, ú kera lum pristi ga; er tindi u Aôndo wou a hungul we yô, Mo kpaa ônov ou vea hungul Mo.

Hosea 5:1

Ungwa nen kwagh ne, ne upristi, man ver ishima we ya u Iserael, kegh ato, we ya u tor! Gadia á ôr ne ijir sha ci u ne hingir kwaghhônon hen Misepa, man kper u wan sha Tabor.

Levitiku 19:3

Hanmô wen nana̱ cian ngô u nan kua ter u nan; waan nen ayange a memen a Am ikô; ka Mo TER M lu Aôndo wen ye.

Sefania 3:4

Uprofeti nav kôrough ga, ka mba lun a mimi ga; upristi nav mba hôngor a icighankwagh, ve per atindi sha apera.

Malaki 2:1

Hegen yô, ne upristi, kwaghwan ne ka sha ci wen je.

Malaki 2:10

Kera ka ter môm se cii se lu a mi gaa? Ka Aôndo môm tsô A gbe se gaa? Yô, ka nyi se kera lu a mimi hen ayol a ase ga, man se hôngor a ikuryan i uter aseva?

Malaki 2:8

Kpa ne kaha ne undu gbenda; ne na ior kpishi gbev mbu nôngon sha ityesen; ne pav ikuryan i Levi, kape TER u akum a Sha A kaa la.

Malaki 3:5

Me kporom her a ven sha u ôron ijir, Me lu Orshiada fese je sha mbaahiriv man sha udyambaiorov man sha mbabumun sha aie man sha mba ve kighir or u eren tom sha tôndo sha injar i nan, kua kwasecôghol man wancôghol kpaa, man mba ve daan shiror kera, man ve ciem ga, kape TER u akum a Sha A lu kaan ne.

Mateu 15:4

Gadia Aôndo kaa er: Civir teru man ngôu; man u nana tuhwa ter shin ngô yô, nana kpe keng.

Mateu 15:6

nahan nan kera civir ter u nan shin ngô u nan ga. Nahan yô, ne gema kwaghôron u Aôndo hingir gbilin sha aeren a en je ve.

Mateu 19:19

civir teru man ngôu; man shi: Or u nan we ndor a we yô, nana̱ doo u ishima er we iyol you nahan.

Mateu 6:9

Yô, eren nen msen nahan, ner: Ter wase u Sha, i̱ tsegha iti You,

Mateu 7:21

Ka hanma or u nana kaa a Mo er, Tere! Tere! man nana nyôr sha tartor u Sha ga, saa u nan eren ishima i Terem u A lu Sha yô.

Marku 10:19

U fa atindi kaa er: De woo or ga; de eren idya ga; de iin ga; de we or aie iyol ga; de tsughun or ga; civir teru man ngôu.

Marku 7:10

Gadia Mose lu kaa er: Civir teru man ngôu; man shi: Or u nana tuhwa ter shin ngô yô, nana kpe keng.

Luka 10:29

Kpa er lu un pe keren ishô iyol na yô, a kaa a Yesu er: Man ka an nan lu orwan ndor a mo?

Luka 18:20

U fa atindiakaa er: De eren idya ga; de woo or ga; de iin ga; de we or aie iyol ga; civir teru man ngôu.

Luka 6:36

Yô, zungwen nen mhôônom er Ter wen kpaa A zungu mhôônom yô.

Luka 6:46

Inja na nan man ne yerem ner, Tere! Tere! man ne eren akaa a M kaan ga?

Mbaefese 6:2

Civir teru man ngôu, ka tindi u hiihii u ityendezwa i lu sha mi je la,

Duteronomi 1:31

kua ken desereti kpaa, henpe u nenge er TER, Aôndo wou, A tôô u sha, er or ka nan tôô wan u nan nahan, sha igbenda i ne lu karen la cii zan zan ne va ar hen ijiir ne.

Duteronomi 32:6

Ka TER je, ne gem ne eren a Na nahan yee; ne ior i geseghee i lun kpe ne! Ka Teru u A gbe u ne ka Un A er u, A maa u ye gaa?

Duteronomi 5:16

Civir teru man ngôu er TER, Aôndo wou, A kaa u nahan, sha er á seer we ayange man á kpe u iyol ken tar u TER, Aôndo wou, A lu nan we yô.

1 Peteru 1:17

Man aluer ne yilan Un er Ter yô, Un u A er ijir i lu sha msange u sha dooshima ga kpa i lu sha ieren i hanma or yô, lu nen a mciem sha ayange a shir wen.