Malaki 1:10 - ICIGHAN BIBILO

¹⁰ Or ma nan lu ase ken a ven u nana wuhe ihinda sha u né de kera keer usu sha atse Am a nan nagh sha mi la gbilin ga yô! Doom a ven ga, kape TER u akum a Sha A kaa ne, Me ngohol nagh ku sha ave a en la ga.

Malaki 1:10 Iomraidhean Croise

2 Utor 12:6

Kpa er sha inyom i sha ikundu kar atar i Yoashi la, upristi lu a sôr ajiir a vihin sha iyou la ga yô,

Anzaakaa 15:8

Nagh ku aferaior ka TER kwagh u ndôhôrshima je, kpa msen u mbamimi yô, ka Un kwagh u ember je.

Yeremia 14:10

TER ngu ôron kwagh u ior mban kaan nahan er: Kape i doo ve u zenden wue wue je ne; mba her angahar inya ga; nahan TER kera rumun ve ga; hegen yô, Una umbur iferkwagh ve, man Una tsaha asorabo a ve.

Yeremia 14:12

Vea hôron kwaghyan kpaa, Me ungwan mliam vem ga; man vea naan nagh ku nanden kua ku sha samuyia kpaa, Me rumun ve ga; Me tim ve sha sanker, man sha ijen, kua sha bouange kpaa.

Yeremia 6:13

Gadia hii sha u kiriki zan zan ar sha u vesen, hanmô ve cii maa nan iyol sha mtsera u dang; man hii sha profeti zan zan ar sha pristi, hanmô ve cii, nan ngu eren kwagh sha icugh.

Yeremia 6:20

Ka sha ci u nyi i shi i vem a kwaghhumandoon hen Sheba, man kalamu u human doon ken tar u icaa? Iniav yenev mbi nanden ka kwagh u rumun ga, man iniav yenev mbi sôngon kpaa doom ga.

Yeremia 8:10

Nahan Me gema kasev vev Me na ior mbagenev, ishule ve kpaa Me na mba ve hembe ve ityav yô; gadia hanmô ve cii, hii sha u kiriki zan zan ar sha u vesen, maa ve iyol sha mtsera u dang; man hii sha profeti zan zan ar sha pristi kpaa, hanmô ve cii, nan ngu eren kwagh sha icugh.

Hosea 5:6

Vea za a akum a iyôngo a ve man a ibua ve sha u keren TER, kpa vea zua a Na ga; A kar hen a ve kera.

Mika 3:11

Mbahemenev nav mba ôron ijir sha inyaregh ki ken myer, upristi nav kpaa mba tesen sha tôndo, man uprofeti nav mba ôron kwaghôron u profeti sha inyar; nahan kpaa mba suur sha TER, mba kaan er: TER ngu ken vese gaa? Ma kwagh u bo una tser se ga.

Malaki 1:13

Shi ne kaa kpaa ner: Nenge er i lu kwagh u zan iyol yô! Shi ne ta un ahenga kpaa, kape TER u akum a Sha A kaa ne; shi ne va a kwagh u iin a ii man iwankwagh, man kwagh u a lu uange; ka nagh ku ne ne je la; nahan doo u Me ngohol ku sha ave a en kpa? Kape TER A kaa ne.

Malaki 2:12

TER A̱ tim or u nan er nahan la, ken utenti mba Yakob kera, oryilan kua orvengese kpaa, kua wen u a ne TER u akum a Sha nagh kpaa.

Malaki 2:13

Kwagh ne kpaa shi ne mba eren: ne mba cirin atse a TER a nanden nagh sha mi la, sha mlia man kwelegh man ishimashirin, sha ci u A kera wa nagh iko ga, A ngohol ku sha uwegh enegh sha ishima i gbar gbar kpaa ga yô.

YOHANE 10:12

Or u eren tom sha inyar u nan lu orkuran ga, man iyôngo kpaa i lu i nan ga yô, nana nengen gbaseela van yô, nana undu iyôngo, nana yevese, gbaseela a kôr i, a sambe i;

1 Mbakorinte 9:13

Ne kera fa er mba ve eren tom sha uicighanmbaakaav mba ken tempel la ve ye kwagh ken tempel gaa? Man shi mba ve eren tom sha atse a nanden nagh sha mi yô, mba zough a kwar sha atse gaa?

Mbafilipi 2:21

Gadia mbagenev cii mba keren akaa a ve ayol a ve, kera ka kwagh u Kristu Yesu ga.

Mbaheberu 10:38

Kpa or u perapera Wam nana lu uma sha jighjigh u nan, man aluer nana hide ijime yô, á kera saan uma Wam iyol a nan ga.

1 Peteru 5:2

Kura nen ikumuile i Aôndo i i lu hen ven la, er ka sha ci u Aôndo nahan, i̱ de lu er i kighir ne a kighir ga, kpa i̱ lu sha asema a en; i̱ de lu sha ci u mtsera u dang ga, kpa i̱ lu sha gbashima je;