Luka 9:32 - ICIGHAN BIBILO

³² Tsô Peteru man mba ve lu a Na yô, ve lu meer mnyam; kpa mba nderen yô, ve nenge a iengem Na, kua ior ihiar mba ve tile a Na imôngo la.

Luka 9:32 Iomraidhean Croise

Yesaia 60:19

Iyange ia kera lu iwanger you atetan ga; shin mte u uwer kpaa una kera lu u iwanger you ga, kpa TER Una gema á lu iwanger you i tsôron man Aôndo wou kpaa Una lu icivir you.

Daniel 10:9

Nahan kpaa m ungwa imo i akaaôron a na; zum u m ungwa imo i akaaôron a na yô, m gba mnyam mem mem, m cir ishigh inya.

Daniel 8:18

Er a lu ôron kwagh a mo nahan yô, m gba mnyam mem mem, m cir ishigh inya; kpa a kpoghol mo, a mough a mo sha;

Marku 14:40

A shi A hide, A va kohol ve, ve lu yaven, gadia ashe yuhwa ve ikôr; ve kera fa kwagh u vea kaa Un ga.

YOHANE 1:14

Man Imo la hingir or je, va tema her a vese, se kenger icivir Na, icivir la lu er ka i Wan u môm môm u Ter nahan, mgbough a mrumun u sha mhôôn man mimi kpaa.

YOHANE 17:24

Tere, mba U nem yô, kam ka ve̱ lu a Mo imôngo ape M lu la, sha u ve̱ nenge icivir Yam i U nem la; gadia M doo U ishima je er i lu a gba tar ga yô.

2 Peteru 1:16

Gadia zum u se va pase ne agee man m-ande u Ter wase Yesu Kristu la yô, kera lu sha gbenda u ukwaghhir mba i dugh a dugh sha kwaghfan la se lu zan ga, kpa se lu mba se nenge a nenge iengem Na sha ashe je.

1 Yohane 3:2

Ne mbadoon mo ishima, hegen yô, se mba ônov mba Aôndo, kpa mba a pase er sé va lu ga. Se fa zum u á va pase Un yô, sé lu er Un nahan, gadia sé nenge a Na er A lu yô.