Luka 9:22 - ICIGHAN BIBILO

²² A kaa er: Wan u or Una ya ican sha akaa kpishi keng, mbatamen man upristi mba tamen man mbangeren vea ta Un kera, á wua Un; sha iyange i sha utar la á nder Un.

Luka 9:22 Iomraidhean Croise

Genese 3:15

Me ver ihom hen atô wou vea kwase man hen atô u vor wou a vor na kpaa, u ua cagh u ityough, we di kpaa ú cagh u ikishinguhar

Daniel 9:26

Ken masejime u ulahadi akunduatar kar uhar la, á gber u i shigh Un mkurem la kera, Una lu a ma ibo ga; ior mba tor u una va la, vea hembe gar man icighanjiir la; mkur na una lu sha avenge a saren, man zan zan mkur kpaa ityav mbia lu; mbamtim vea lu kpee je.

Sekaria 13:7

Nder, we sanker, za ta sha orkuranilev Wam, sha or u a lu ijende Yam la, kape TER u akum a Sha A kaa ne. Gbidye orkuranilev, iyôngo i̱ sambe; Me naregh uwegh sha mbakiriki.

Mateu 17:12

Kpa M ngu kaan ne mer, Eliya vande van a ne nagh kera, kpa ve fa un ga man ve er un nyi ityôkwagh i i sar ve u eren un yô. Kape Wan u or kpaa Una ya ican sha ikev ve la.

Mateu 17:22

Tsô er ve lu zenden ken Galilia la yô, Yesu kaa a ve er: Á na Wan u or sha ikev i ior.

Mateu 27:63

Ve kaa er: Tere, se umbur er Orcugh ne, er lu uma je, tsô kaa er: Ayange á kar atar, tsô Me shi Me nder.

Marku 8:31

Tsô a hii u tesen ve er, ka u Wan u or Una ya ican sha akaa kpishi keng, mbatamen man upristi mba tamen kua mbangeren vea ta Un kera, á wua Un; ayange á karen atar yô, Una nder shin ku.

Marku 9:31

gadia A lu tesen mbahenen Nav kaan a ve er: Á na Wan u or sha ikev i ior, vea wua Un yô, sha iyange isha utar la, Una nder.

Luka 17:25

Kpa saa ican ia vande eren Un sha akaa kpishi keng, kov ne kpaa ua venda Un.

Luka 24:26

Kera lu u Kristu Una ya atsan ne cii keng, man Una nyôr ken icivir Na ye gaa?

Luka 24:44

A kaa a ve er: Angan ka akaaôron Am a M ôr ne je er M lu a ven imôngo la, Mer, ka u akaa a i nger sha a Mo ken atindiakaa a Mose man uprofeti man upasalmi á kure sha mi vough keng.

Luka 24:7

er: Ka u á na Wan u or sha ikev i mbaasorabo keng, á mande Un sha terankon kpaa, sha iyange i sha utar la Una nder.

Luka 9:44

De nen, akaaôron ne a̱ nyôr ne ken ato, gadia á na Wan u or sha ikev i ior.

1 Mbakorinte 15:4

I ii Un, sha iyange i sha utar la yô, A nder er lu i nger ken icighanruamabera nahan.

1 Peteru 1:11

Ve lu timen er shin ka hanma shighe shin ka shighe u nanou man Jijingi u Kristu u A lu ken a ve la, A lu tesen sha mi zum u A tsengapasen atsan a Kristu man iengem i ia dondo sha mi la.