Luka 9:1 - ICIGHAN BIBILO

¹ Tsô A yila mba pue kar uhar, ve kohol imôngo, A na ve agee man tahav sha ujijingi mba bov cii, man u been angev kpaa.

Luka 9:1 Iomraidhean Croise

Mateu 16:19

Man shi Me na u uishindan mba tartor u Sha; hanma kwagh u wea kange shin tar ne yô, una lu uikangen Sha, man hanma kwagh u wea sagh un shin tar ne yô, á sagh un Sha kpaa.

Mateu 4:24

Gwa Na samber ken tar u Shiria cii, tsô ve va Un a mba ve lu dedoo ga la cii, lu mba angev atô kposo kposo man mnyoonom kôr ve yô, mbalun a ujijingi mba bov man mbagbanikungu man mbakpenalegh; A bee ve mbu cii.

Mateu 8:9

Gadia mo kpaa m ngu or u m lu sha ikev i mbagenev, man m gema m ngu a mbautyav sha ikev; man ka mea kaa a ugen mer: Za, kpa nan za je; mea kaa a ugen mer: Va, shi nan va je; mea kaa a wanakiriki wam mer: Er nahan, nan er je.

Luka 10:1

Ken masejime u akaa ne Ter shi ver mbagenev akunduatargber, tindi ve uhar uhar er, ve̱ hira hemen ve̱ za hen hanma gar man hanma idiôya i i lu Un ka zan her la yô.

Luka 10:19

Nenge M na ne tahav mbu ne ndyar iyô man ayese, man shi tahav mbu sha agee a orihom cii, ma kwagh una vihi ne je ga.

YOHANE 14:12

Mimi mimi je, M kaan ne ne, u nan nem jighjigh yô, ityom i M eren ne, nan kpaa nana er i; i i hembe ingin je kpaa nana er, sha ci u M lu yemen hen Ter yô.

Aerenakaa A Mbaapostoli 1:8

Kpa né va ngohol agee shighe u Icighan Jijingi Una va sha a ven yô, man né lu mbapasen kwagh Wam ken Yerusalem man ken Yudia cii kua Samaria kpaa, zan zan á ar ken ikighir i tar je.

Aerenakaa A Mbaapostoli 3:16

Ka sha jighjigh u nan ken iti Na kpaa, man iti Na i taver or u ne nengen a na ne, man shi ne fe un kpaa ne ye; shi ka jighjigh u nan u a ne la, man a ne un mkpeyol jimin cii sha ishigh yenegh cii nahan ye.

Aerenakaa A Mbaapostoli 4:30

er U naregh uwegh Ough sha u been angev, man er á er uivande man akaa a kpilighyol ken iti i Icighan Wanakiriki Wou, Yesu.

Aerenakaa A Mbaapostoli 9:34

Peteru kaa a na er: Enia, Yesu Kristu ngu been we angev, mough sha, sôr gambe wou. Fese nahan a kighir, a mough sha.