Luka 8:8 - ICIGHAN BIBILO

⁸ Igen haa hen inya i dedoo; i mende, i na mtsera kwa akunduataan. Ngur ôron akaa ne nahan yô, A genger imo A kaa er: Or u nan lu a ato a ungwan yô, nana̱ ungwa.

Luka 8:8 Iomraidhean Croise

Genese 26:12

Isaka lôô iyiav ken tar la; hen inyom la, iyiav tser kwa akunduataan, gadia TER ver un doo doo.

Anzaakaa 20:12

Togh ku ungwan kua ishe i nengen, ve uhar cii ka TER A er ve ye.

Anzaakaa 8:1

Kwaghfan ngu yilan gaa, mkav kpaa ngu genger imo gaa?

Yeremia 13:15

Ungwa nen, ver nen ato; de moron nen iyol ga, gadia TER ôr kwagh.

Yeremia 25:4

TER kpaa tindi ne a mbatomov Nav cii, uprofeti, pepe kua aikighe; kpa ne wa iko ga, ato tsô kpaa ne ver sha u ungwan ga;

Mateu 11:15

U nan lu a ato a ungwan yô, nana̱ ungwa.

Mateu 13:23

U i te ivor hen a nan hen inya i dedoo yô, ka u ka nan ungwa kwaghôron, nan kav un; ka nan je ka nan ume atam nan tser ye; ugen kwa akunduataan, ugen akunduatar, ugen yô, ikundugber.

Marku 4:20

Mba i te ve ivor hen inya i dedoo yô, ka mba ka vea ungwa kwaghôron la, ve ngohol un, ve ume atam, ugen kwa ikundugber, ugen akunduatar man ugen akunduataan.

Marku 4:23

Aluer ma or nan ngu a ato a ungwan yô, nana̱ ungwa.

Marku 4:8

Igen yô, haa hen inya i dedoo, i mende i vese i via iyiagh i wa asange hemba ivor la kwa ikundugber, igen kwa akunduatar, igen kwa akunduataan.

Marku 7:16

Aluer or a lu a ato a ungwan yô, nana̱ ungwa.]

Luka 14:35

Una kera lu a inja shin inya shin sha tihi u ihôgh kpaa ga; á haa un kera. U nan lu a ato a ungwan yô, nana̱ ungwa.

Luka 8:15

Kpa i hen inya i dedoo yô, ka mba ve ongo kwaghôron la man ve kusu un ken ishima i mimi i dedoo man ve ume atam sha ishimawan.

Luka 8:7

Igen haa ker atô u usaa; usaa vese a i imôngo imbishi i.

Mbaefese 2:10

Gadia se mba tomaveegh Na, i gba se ken Kristu Yesu sha ci u aeren a dedoo a Aôndo vande sôron sha u se̱ zenden sha mi yô.

Mbakolose 1:10

sha u ne̱ zende zende u u kom Ter, ne̱ doon Un ken akaa cii, ne̱ umen atam ken hanma tom u dedoo, shi ne̱ vesen ken kwaghfan u Aôndo,

Mpase U Yohane 13:9

Aluer or nana lu a ato yô, nana̱ ungwa.

Mpase U Yohane 2:11

Or u nan lu a ato yô, nana̱ ungwa kwagh u Jijingi A lu ôron a iniongo i Kristu yô. Or u nan hembe yô, ku u sha uhar la ua er nan kwagh ga.

Mpase U Yohane 2:7

Or u nan lu a ato yô, nana̱ ungwa kwagh u Jijingi A lu ôron a iniongo i Kristu yô. Or u nan hembe yô, Me na nan, nana ya kon u uma u u lu ken Paradiso u Aôndo la.

Mpase U Yohane 3:13

Or u nan lu a ato yô, nana̱ ungwa kwagh u Jijingi A lu ôron a iniongo i Kristu yô.

Mpase U Yohane 3:6

Or u nan lu a ato yô, nana̱ ungwa kwagh u Jijingi A lu ôron a iniongo i Kristu yô.