Luka 8:47 - ICIGHAN BIBILO

⁴⁷ Kwase la nengen er un kera lu myer ga yô, a va a ikarikase iyol, a va gba inya sha ishigh ki Yesu, a pase sha ishigh ki iorough cii er i lu man un bende Un yô, man shi er i bee un fese kpaa yô.

Luka 8:47 Iomraidhean Croise

Upasalmi 2:11

Civir nen TER a mciem, ember nen a akarkase iyol.

Upasalmi 38:9

TERE, isharen yam cii ngi sha ishigh You, mtoghor wam kpaa ngu U myer ga.

Upasalmi 66:16

Ne mba ne cie Aôndo cii, va, va ungwa nen, me pase ne kwagh u A er sha ci u uma wam yô.

Yesaia 66:2

Gadia akaa angan cii ka uwegh Agh ku er a ye, ka nahan man akaa angan cii a va lu ye, kape TER A kaa la; imbaor i Me ver ishima sha a nan yô, ka u nan hide a iyol i nan ijime man nan lu a jijingi u vaan afanyô, shi nan gbidye ikarikase iyol sha kwaghôron Wam yô.

Hosea 13:1

Zum u Eferaim ôr kwagh yô, ikarikase gbidye iyol; i kende un sha ken Iserael; kpa a hingir u lun a ibo iyol sha ci u a civir Baal yô, nahan a kpe.

Hosea 5:3

Mo M fa Eferaim, man Iserael kpaa ngum myer ga; gadia hegen yô, we Eferaim, u er idya, Iserael kpaa hôngor.

Habaku 3:16

M ungwa, nahan ikav yav mbi ken atô zômon; sha ci u imo la, ityumbuzwaagh yam kunde; mhee nyôr ken akuhe am je, ikarikase gbidyem iyol hen pe m til la; nahan kpaa me lu ving me kegh iyange i ican sha u i̱ va sha ior mba ve nenge ityav a vese a akumautya la.

Mateu 28:8

Tsô ve mough hen uwar la fefa a mciem man iember kpishi kpaa, ve za ayem sha u vea za ôr mbahenen Nav kwagh la.

Marku 5:33

Tsô kwase la lu cian, gbidyen ikarikase iyol gadia a fa kwagh u a er un yô, a va gba inya sha ishigh Nagh, a ôr Un kwagh la sha mimi cii.

Luka 8:46

Kpa Yesu kaa er: Orgen bende Mo, gadia M kav agee due ken a Mo.

Luka 8:48

Tsô Yesu kaa a na er: Wankwase, jighjigh wou u nan war u ve, yem bem bem.

Aerenakaa A Mbaapostoli 16:29

A yila er i̱ va a iwanger; tsô a tsuwe a nyôr, a gba gbidyen ikarikase iyol sha mcie, a gba inya sha ishigh ki Paulu man Shila.

1 Mbakorinte 2:3

Mo yô, lu sha isheer man sha mcie man sha ikarikase iyol kpishi yan m va hen a ven ye.

2 Mbakorinte 7:15

Ka una umbur iko yen i wan man shi er ne ngohol un a mciem man ikarikase iyol yô, ishima na i hemba lun sha a ven cii.

Mbafilipi 2:12

Nahan yô, ne mbadoon mo ishima, er ne vande lun a iko i wan gbem nahan, i̱ de lu sha shighe u mo m lu a ven la tseegh ga kpa i̱ hemba a hemba hegen er m lu a ven ga ne; eren nen tom sha myom wen a mciem man ikarikase iyol

Mbaheberu 12:28

Nahan yô, se ember nen er se ngohol tartor u u lu u tenger ga yô, ka nahan man sé er Aôndo tom u u doo Un ye, sha mcieaôndo man iyol i sulen.

1 Samuel 16:4

Tsô Samuel er kwagh u TER kaa yô, a va hen Betelehem. Mbavesen va kegh un gbenda gba gbidyen akarkase iyol, ve pine un er: U va ka bem je kpa?