Luka 8:35 - ICIGHAN BIBILO

³⁵ Tsô ior due sha u vea za nenge kwagh u a er yô; nahan ve va hen Yesu, ve va kohol or u ujijingi mba bov ve due ken a na la, tema hen angahar a Yesu, haa akondo iyol, fa kwagh doo doo kpaa, nahan cier ve iyol.

Luka 8:35 Iomraidhean Croise

Upasalmi 51:10

Gba ishima i wang ken a mo, Aôndo, shi ver jijingi u he u taver ken a mo.

Yesaia 53:12

Nahan Me na Un kwar a ashagbaior imôngo, Una kar ishar a mbataveryol imôngo kpaa, sha ci u A gbihi uma Na ken ku je, shi i wa Un ken mbaaferev kpaa; nahan kpaa, ka Un je A tee isholibo i ior kpishi sha iyol Na, man A shi A sôn sha ci u mbaaferev kpaa ye.

Mateu 4:24

Gwa Na samber ken tar u Shiria cii, tsô ve va Un a mba ve lu dedoo ga la cii, lu mba angev atô kposo kposo man mnyoonom kôr ve yô, mbalun a ujijingi mba bov man mbagbanikungu man mbakpenalegh; A bee ve mbu cii.

Marku 5:15

Tsô ve va hen Yesu, nahan ve nenge a or u a lu a ujijingi mba bov la, tema, haa akondo iyol, hingir or u kaven kwagh, wen u a lu a mi kpishi la. Nahan cier ve iyol.

Luka 10:39

A lu a anngô u kwase u i yilan er Maria, u a tema Ter hen angahar, a ungwa kwaghôron Na la.

Luka 15:17

Tsô va til a ishima yô, a kaa er: Mbaeren terem tom sha tôndo mba imôngo man mba a kwaghyan je neer ve a neer gaa, man mo yô, m gema m ngu kpen ijen heen!

Luka 2:46

Tsô ayange nga kar atar yô, ve va kohol Un ken tempel, A tema her atô u mbatesen, lu ungwan ve, man shi lu pinen ve akaa.

Luka 8:27

Mba dugh sha tar yô, orgen u ken gar va kohol Un, lu a ujijingi mba bov, de ikondo i zeren ica i gba, kera teman hen ya ga, saa hen iwar.

Luka 8:34

Mbakuran i mba nengen ikaa la nahan yô, ve yevese; ve yem ve za ôr kwagh la ken gar man ken tar la cii.

Aerenakaa A Mbaapostoli 22:3

Mo m ngu Oryuda je, i marem ken Tarsu u ken Shilishia, kpa i yesem ken gar ne, sha ikev i Gamaliel, i tesem atindi a uter asev doo doo, m lu a ishima i tseen sha ci u Aôndo, er ne cii kpaa ne lu nyian nahan.

1 Yohane 3:8

Or u nan eren isholibo yô, ka ken diabolo nan dugh ye, gadia diabolo lu eren isholibo sha hiihii je. Ka nahan man i pase Wan u Aôndo ye, sha u vihin aeren a diabolo kera.