Luka 8:21 - ICIGHAN BIBILO

²¹ Kpa A gema A kaa a ve er: Mba ve ongo kwaghôron u Aôndo, man shi ve eren sha mi kpaa yô, ka ve je, ve lu ngôm man anngôôv Av ye.

Luka 8:21 Iomraidhean Croise

Mateu 17:5

Tsô ngur ôron kwagh nahan ave je yô, ibeenegh ki iwangeregh va gba mure sha a ve; tsô imo due ken ibeenegh kila, kaa er: Ngun ka Wan Wam u ishima ishima, u ishima i doom a Na yum yô, ungwan nen Un.

Mateu 25:40

Tsô Tor la Una gema Una kaa a ve er: Mimi je M kaan ne ne, er ne er a mô gen u ken anmgbianev Av mba hemban gban ijime mban nahan yô, ka Mo je ne er a Mo nahan ye.

Mateu 25:45

Tsô Una gema Una kaa a ve er: Mimi je M kaan ne ne, er ne er nahan a mô u ken mba hemban gban ijime mban ga yô, ka Mo je ne er a Mo nahan ye.

Mateu 28:10

Tsô Yesu kaa a ve er: De cie nen ga, za za kaa nen anmgbianev Av, ve̱ za Galilia, ka keela ve a za nenge a Mo ye.

Luka 8:15

Kpa i hen inya i dedoo yô, ka mba ve ongo kwaghôron la man ve kusu un ken ishima i mimi i dedoo man ve ume atam sha ishimawan.

Luka 8:20

Tsô i kaa Un er: Ngôu kua anngôôv Ou ve tile ken won, ka ve ka nengen a We.

YOHANE 13:17

Aluer nea fa akaa ne, man nea eren sha mi yô, á saan ne iyol.

YOHANE 20:17

Yesu kaa a na er: De benden Mo ave iyol ga, gadia M ngu a kôndo M yem sha Ter ga; kpa za hen anmgbianev Av, za kaa a ve wer: M ngu kôndon sha Terem man Ter wen, Aôndo wam man Aôndo wen kpaa.

2 Mbakorinte 5:16

Nahan se yô, hii hegen je se kera fa ma or sha inja i iyolough ga. Aluer se vande fan Kristu sha inja i iyolough kpaa, hegen yô, se kera fa Un nahan ga.

2 Mbakorinte 6:18

Me lu Ter wen, ne di né lum ônov mba nomso man ônov mba kasev, kape Ter Uhembanagee, A kaa la.

Yakobu 1:22

Hingir nen mbaeren a er sha kwaghôron la, i̱ de lu mbaungwan a ungwa tseegh, tsughun ayol a en ga.

1 Yohane 2:29

Aluer ne fa er A lu u perapera yô, ne fa hanma or u eren perapera yô, ka Un a mar nan ye.

3 Yohane 1:11

Orwam u doon mo ishima, de ze a kwaghbo ityô ga, saa kwagh u doon; or u nan eren kwagh u dedoo yô, ka ken Aôndo nan dugh ye; u nan eren kwagh u bo yô, nan ngu a nenge a Aôndo ga.