Luka 8:18 - ICIGHAN BIBILO

¹⁸ Nahan yô, ver nen ishima sha m-ongo u ne ongo ne, gadia hanma or u nan lu a kwagh yô, ka nan man á na nan ye; man shi hanma or u nan lu a kwagh ga yô, kwagh u nan henen er nan ngu a mi la je kpaa, á ngohol un kera.

Luka 8:18 Iomraidhean Croise

Anzaakaa 14:12

Gbenda ugen sha mnenge u or yô, ka u lu vough, kpa mkur u u yô, ka igbenda i kuugh je.

Mateu 13:12

Gadia hanma or u nan lu a kwagh yô, ka nan á seer nan nana gema nana lu a mi kpishi ye; kpa hanmô u nan lu a kwagh ga yô, ka nan man á ngohol nan kwagh u nan lu a mi la kpaa ye.

Mateu 25:29

gadia hanma or u nan lu a kwagh yô, á seer nan, nana lu a mi kpishi; kpa u nan lu a kwagh ga yô, kwagh u nan lu a mi je kpaa, á ngohol hen nan kera.

Marku 13:14

Kpa zum u nea nenge kwaghndôhôrshima u nan mtim la una tile hen ijiir i i doo u ma a til ga yô,—or u ôron kwaghngeren ne nana̱ kav—zum la, mba ve lu ken Yudia, ve̱ nyôngoso ve̱ yem sha iwo.

Luka 19:26

Gadia Me kaa ne, hanma or u nan lu a kwagh yô, ka nan je shi á seer nan ye; kpa u nan lu a kwagh ga yô, kwagh u nan lu a mi la je kpaa á ngohol hen nan kera.

Luka 9:44

De nen, akaaôron ne a̱ nyôr ne ken ato, gadia á na Wan u or sha ikev i ior.

YOHANE 15:2

Hanma gbaa u ker a Mo u a um ga yô, ka A kar a mi sha; man shi hanma gbaa u a um yô, ka A sôr un sha er una shi á hemba umen atam yô.

Aerenakaa A Mbaapostoli 10:33

Fese nahan maa M tindi loho hen we; u er doo tsô er u ve nahan. Hegen yô, se cii se mba heen sha ishigh ki Aôndo, sha u se̱ ungwa akaa a Ter A ne u u ôron cii yô.

Aerenakaa A Mbaapostoli 17:11

Mbala yô, hemba ior i Tesalonika inja i mimi, sha er ve rumun kwaghôron la sha gbashima shi ve lu timen ken icighanruamabera ayange ayange sha u vea nenge shin akaa la aa lu nahan yô.

Mbaromanu 12:3

M ngu kaan hanmô wen sha mrumun u sha mhôôn u i nem la mer, nana̱ de nengen sha mlu u nan i̱ hemban er ma nan nenge la ga, kpa nana̱ nenge sha mnenge u mimi, sha inja i kwar u jighjigh u nan u Aôndo A kar hanma or ser ser la.

1 Mbakorinte 14:37

Aluer orgen nana hen er nan ngu profeti shin or u ken jijingi yô, nana̱ fa er akaa a m nger ne yô, ka tindi u Ter je.

1 Mbakorinte 3:18

Ma or nana̱ de tsughun iyol i nan ga. Aluer anti or u ken a ven nan ngu henen er nan ngu orfankwagh ken kov u ainge ne yô, nana̱ hingir ibumeor, man nana fa kwagh ye.

1 Mbakorinte 8:2

Aluer or ngu henen er nan fa ma kwagh yô, nan ngu a fa er i doo u ma nan fe la ga.

Mbafilipi 3:4

shin er mo m lu a ityôikaa i suur sha iyol nahan kpaa. Aluer orgen nana nenge er nan fatyô u suur sha iyol yô, mo ma m hembe.

Mbaheberu 2:1

Nahan yô, ka u sé hemba veren ishima sha akaa a se vanden ungwan la keng sha u se̱ de kuwan karen ihongo ga yô.