Luka 8:15 - ICIGHAN BIBILO

¹⁵ Kpa i hen inya i dedoo yô, ka mba ve ongo kwaghôron la man ve kusu un ken ishima i mimi i dedoo man ve ume atam sha ishimawan.

Luka 8:15 Iomraidhean Croise

Upasalmi 119:11

M kusu mkaanem Ou ken ishima yam, sha er me er U isholibo ga yô.

Upasalmi 51:10

Gba ishima i wang ken a mo, Aôndo, shi ver jijingi u he u taver ken a mo.

Anzaakaa 3:1

Wan wam, ityesen yam i̱ de hungul we ga, ishima you i̱ waan atindi am iko,

Yeremia 15:16

Ka a zua a akaaôron a Ou yô, m ya a, akaaôron a Ou hingir mo iember man msaanyol ken ishima yam; gadia i yilam sha iti You je, TERE, Aôndo u akum a Sha.

Yeremia 31:33

Kpa ikuryan i Me ya a ya u Iserael er ayange ne á kar kera yô, ka i ne, kape TER A kaa ne: Me ver atindi Am ken atô ve je man shi Me nger a ken asema a ve kpaa; nahan Me lu Aôndo ve, ve di kpaa vea lu ior Av.

Yeremia 32:29

Mbakaldi mba ve nenge ityav a gar ne, vea va nande un sha usu, una hia kera, kua uya mba ve nanden Baal nagh sha ityor ve la, shi ve toon mbaaôndo mbagenev iniav mbi man sha u bamen Mo la kpaa.

Mateu 24:13

Kpa or u nana taver ishima zan zan mkur yô, ka nan á yima nan ye.

Luka 11:28

Kpa A kaa er: Kpa jim yô, i saan mba ve ongo kwaghôron u Aôndo man ve eren sha mi kpaa la, iyol.

Luka 6:45

Orinjaa ka nan due a kwagh u dedoo ken kwagh u ikoogh u ken ishima i nan je, man orbo kpaa ka nan due di a kwagh u bo ken kwagh u bo u ken ishima i nan je; gadia ka sha m-iv u ken ishima man zwa u er kwagh ye.

Luka 8:14

Ivor i i hee ken usaa la yô, ka mba ve ongo, kpa sha ijende ve la anzughul a nyian ishima man inyaregh man ugurgurmbaakaav mba uma ne gema imbishi ve, ve kera ume atam ga.

Luka 8:16

Man shi ma or ngu u nana tsar imenger man nana gema á cir ikagh sha mi, shin nana ver shin ityô gambe ga; kpa nana penda i sha daar u pendan imenger sha mi la, sha u mbanyôron ve̱ nenge a iwanger yô.

YOHANE 14:15

Aluer Mea doo ne ishima yô, né kuran atindi Am.

YOHANE 15:10

Aluer ne wa atindi Am iko yô, né lu ken dooshima Wam; er Mo kpaa M we atindi a Terem iko, man M luun ken dooshima Na nahan.

Mbaromanu 2:7

Mba ve lu keren iengem man icivir man mtsôr sha u eren kwagh u dedoo sha ishima i wan yô, Una na ve uma u tsôron.

Mbaromanu 6:22

Kpa hegen yô, i pase ne sha ikev i isholibo kera i tuhwa ne, ne gema ne hingir ikpan i Aôndo, injar yen yô, ka mtsegh, man mkur yô, ka uma u tsôron.

Mbaromanu 7:18

Gadia m fa ma kwagh u doon tem ken mo ga, inja na yô, ka ken iyol yam je la, gadia kwagh yô, saren mo kpa u eren a er kwagh u doon yô, ka ga.

Mbaromanu 7:4

Anmgbianev av, kape ne kpaa, ne kpe sha kwagh u atindigh sha iyol i Kristu, sha u né hingir kwagh u orgen, ka Un u i nder Un shin ku sha u se se̱ ume atam sha ci u Aôndo la.

Mbaromanu 8:25

Kpa aluer se mba a ishimaverenkeghen sha kwagh u se nenge a mi ga la yô, ka sha ishima i wan je se kegh un ye.

1 Mbakorinte 7:19

Icôngo yô, ngi ma kwagh ga, ipusu kpaa ngi ma kwagh ga, saa u wan atindi a Aôndo iko.

Mbaefese 2:8

Gadia ka sha mrumun u sha mhôôn i yima ne ye, sha jighjigh u nan. Man kwagh ne yô, ka her a ven a dugh ga, ka iwua i Aôndo.

Duteronomi 30:6

TER, Aôndo wou, Una tsôngo ishima you, man ishima i tsombor wou, sha er TER, Aôndo wou, A̱ doo u ishima a ishima you cii man a uma wou cii, sha er u̱ lu uma yô.

Mbafilipi 1:11

né iv a atam a perapera a a lu sha Yesu Kristu la sha ci u icivir man iwuese i Aôndo.

Mbakolose 1:10

sha u ne̱ zende zende u u kom Ter, ne̱ doon Un ken akaa cii, ne̱ umen atam ken hanma tom u dedoo, shi ne̱ vesen ken kwaghfan u Aôndo,

Mbakolose 1:6

U nyôr ken ven di er u nyer sha won cii nahan, ngu umen atam, ngu vesen di er ken ven nahan, hii sha iyange i ne ungwa man ne va fa mrumun u sha mhôôn u Aôndo sha mimi la.

Mbaheberu 10:36

Gadia gba u né lu a ishima i taver sha u eren ishima i Aôndo man né ngohol kwagh u i tende zwa a ven la.

Mbaheberu 2:1

Nahan yô, ka u sé hemba veren ishima sha akaa a se vanden ungwan la keng sha u se̱ de kuwan karen ihongo ga yô.

Yakobu 1:4

Ishima i taver yô, i̱ kure tom u i vough sha u né lu vough man jimin, né kera yina sha kwagh môm môm ga yô.

1 Yohane 2:3

Ka sha kwagh ne je man se fa er se fe Un ye, aluer sea kuran atindi a Na yô.