Luka 8:13 - ICIGHAN BIBILO

¹³ Mba sha ikuu mbala yô, ka mba zum u ka vea ungwa la ve rumun kwaghôron la saan saan, kpa ve kera lu a amise ga, ve na jighjigh sha anyangem kpeghee tsô, kpa shighe u imeen ia va yô, ve hide ijime.

Luka 8:13 Iomraidhean Croise

Yobu 19:28

Aluer nea kaa ner: Nahan sé er un ican nana? Gayô i zua a ityôkwagh ken a na je—

Anzaakaa 12:12

Kwagh u aferaior a ker ken kper la sar iferor, kpa mise u orperapera ngu um atam.

Anzaakaa 12:3

Or a taver sha ifer ga, kpa mise u orperapera yô, ua tenger ga.

Yesaia 58:2

Nahan kpaa mba keren Mo ayange ayange man sar ve u fan igbenda Yam, bee er ikurior i eren kwagh u perapera man i undun akaawan a Aôndo ve ga yô, ve gema ve pinem akaawan a perapera, u kporom hen Aôndo kpaa doo ve.

Esekiel 33:32

Nenge, u ngu ve icam i dedoo i or u nan doo imo, man nan fe u kuhwan ityogholov dedoo yô; gadia ve ungwa akaaôron a ou, kpa mba eren sha a ga.

Hosea 6:4

Me er nana a we, we Eferaim? Me er nana a we, we Yuda? Gadia dooshima wen ngu er ka ibeenegh ki pepegh yô, man er avure a ka a ndoor kera fese yô.

Marku 6:20

gadia Herode lu cian Yohane sha ci u a fa er a lu or u jighjigh man shi icighanor kpaa yô; a kura un doo doo, a ungwa kwaghôron na acin imôngo je, kondo un iyol; nahan kpaa doo un u ungwan un.

Luka 8:12

Mba sha gbenda yô, ka mba ve ungwa tsô diabolo va, va tsuwe ve kwaghôron la ken asema kera, sha u ve̱ de ne jighjigh i̱ yima ve ga.

Luka 8:14

Ivor i i hee ken usaa la yô, ka mba ve ongo, kpa sha ijende ve la anzughul a nyian ishima man inyaregh man ugurgurmbaakaav mba uma ne gema imbishi ve, ve kera ume atam ga.

YOHANE 15:2

Hanma gbaa u ker a Mo u a um ga yô, ka A kar a mi sha; man shi hanma gbaa u a um yô, ka A sôr un sha er una shi á hemba umen atam yô.

YOHANE 15:6

Or ka nana luun ken a Mo ga yô, i gbihi nan kera er gbaa nahan, nan uma je; i kohol a, i nande sha usu, a hia.

YOHANE 5:35

Un yô lu imenger i yeghen i mondon iwanger kpaa, man doo ne u ember iwanger na la anyangem kpeghee.

1 Mbakorinte 13:2

Aluer i nam u ôron kwaghôron u profeti man mea fa akaamyer cii man kwaghfan cii kpaa, man mea lu a jighjigh u nan je una kuma u moughon a iwo, kpa mea lu a dooshima ga yô, m ngu ma kwagh je ga.

1 Mbakorinte 15:2

Ka sha u kpaa i lu yiman ne ye, aluer ne kôr ave sha mi gbang er m lu pasen ne kwaghôron la nahan, saa di nea na jighjigh gbilin tsô.

Mbagalatia 3:1

Kpa! ne Mbagalatia mbalanenkwagh, ka anti nan bum ne, ne mba i tese ne Yesu Kristu u i mande Un sha terankon la sha ashe a en bong ne.

Mbagalatia 3:4

Akaa a ne ye ican sha mi yum ne nahan ka gbilin tsô? Shin lu di gbilin mimi jeo?

Mbaefese 3:17

Kristu A̱ tema ya ken asema a en sha jighjigh u nan er ne we amise ken dooshima, i tim ne ker dông yô,

Mbakolose 1:23

Saa né tile sha jighjigh u nan dông, né tenger ga, man á mgbeghan ne sha ishimaverenkeghen i Loho u Dedoo u ne ungwa la kera kpaa ga, u i yôô u hen akaa a i gbe a sha won cii, man mo, Paulu, m hingir ortom u u.

Mbakolose 2:7

er ne we amise ken a Na shi i maa ne ken a Na kpaa, man i taver jighjigh wen u nan er i tese ne nahan vough, shi lu nen a iwuese wuee.

1 Mbatesalonika 3:5

Ka nahan man mo kpaa er m kan wan ishima shio yô, m tindi sha u me fa jighjigh wen u nan shin alaghga ormeen vande meen ne kera man tom wase u hingir gbilin tsôou?

1 Timoteu 1:19

ú lu a jighjigh u nan man imo i dedoo i ken ishima ye. Mbagenev ta i kera, nahan sha kwagh u jighjigh u nan yô, tso ur ve.

Mbaheberu 10:39

Kpa se yô, se mba mbahirenjime sha u za saan ishe ga, kpa se mba mbananjighjigh sha er uma una war yô.

Yakobu 2:26

Gadia er iyol i lun a jijingi ga i lu kpenegh yô, kape jighjigh u nan u lun a aeren ga di kpaa, a lu kpenegh nahan la.

2 Peteru 2:20

Gadia aluer vea osough vea war ihôngor i tar kera sha mfe u ve fe Yesu Kristu, Ter wase man Oryiman wase la, kpa akaa ne á shi á kôr ve á hemba ve yô, mkur ve u masejime la hemba vihin a mlu ve u hiihii la.

2 Peteru 2:22

Injakwaghôron i mimi ne kuma sha a ve vough er: Iwa suwa, shi hide ya, man shi: Ngôigo ôô iyol kpa shi hide vingir shin angbiôr.

1 Yohane 2:19

Ve due ken vese, kpa ve lu mba ken a vese ga, gadia vea lu mba ken a vese yô, ma ve lu a vese heregh, kpa ve due sha u á pase er i lu ve cii ve lu ken vese ga yô.

Yuda 1:12

Mban ka acan ken uiniongo enev; mba gbe yan kwagh imôngo gbar gbar tsô, mba we ayol a ve iko tseegh, ka abeen a lun a ura ga, a ahumbe a karen a mi sha yô, ka ikon i lun a atam ga sha shighe u inyom i bee la, i kpe kwa har, i wuhe i kera.