Luka 8:12 - ICIGHAN BIBILO

¹² Mba sha gbenda yô, ka mba ve ungwa tsô diabolo va, va tsuwe ve kwaghôron la ken asema kera, sha u ve̱ de ne jighjigh i̱ yima ve ga.

Luka 8:12 Iomraidhean Croise

Anzaakaa 1:29

Gadia ve venda mfe, mcie u cian TER kpaa, ve tsuwa ga,

Anzaakaa 4:5

Zua a kwaghfan, zua a mkav, de hungul ga, de undun akaaôron am ga.

Yesaia 65:11

Kpa ne mba ne undu TER, ne hungul icighanwo Wam, ne ser tebul sha ci u Gadi (akombo a doon ikôr la) man ne toon wain u nungwan sha ci u Meni (akombo a vihin ikôr la) yô,

Mateu 13:19

Hanma or u ka nana̱ ungwa kwaghôron u tartor man nana̱ kav ga yô, or u ifer a va, a va tsuwe kwagh u i lee ken ishima i nan la kera; ka u i te ivor hen a nan sha kpegbenda je la.

Mateu 13:4

Ngur tan yô, ivor igen haa sha kpegbenda; inyon va, sange i, ya.

Marku 4:15

Mba ve lu sha gbenda henpe i te kwaghôron la, ka mba ka vea ungwa yô, fese je Satan a va, a ngohol kwaghôron u i lee ken asema a ve la kera.

Luka 8:11

Injakwagh ne ka i ne: Ivor yô, ka kwaghôron u Aôndo.

Luka 8:13

Mba sha ikuu mbala yô, ka mba zum u ka vea ungwa la ve rumun kwaghôron la saan saan, kpa ve kera lu a amise ga, ve na jighjigh sha anyangem kpeghee tsô, kpa shighe u imeen ia va yô, ve hide ijime.

Luka 8:5

Ortanivor due sha u za tan ivor na. Ngur tan yô, igen haa sha gbenda; i ndyar angahar sha mi, inyon i sha va sange, ya.

Mpase U Yohane 12:9

I gbihi zegedarakon la shin inya, ka tseiyô je la, u i yer un er Diabolo man shi Satan la, u a lu tsughun tar cii la, i gbihi un shin tar shi i gbihi mbatyomov nav a na imôngo kpaa.