Luka 8:10 - ICIGHAN BIBILO

¹⁰ Tsô A kaa er: Ne yô, i na ne sha u né fa akaa a myer a tartor u Aôndo; kpa mbagenev yô, saa sha anzaakaa, sha ci u mnenge kpaa ve̱ de nengen ga, man m-ongo kpaa, ve̱ ungwa kpa ve̱ de kaven ga.

Luka 8:10 Iomraidhean Croise

Upasalmi 25:14

Kwaghmyer u TER ngu a mba ve cie Un yô, Una tese ve ikuryan Na.

Yesaia 29:14

nahan yô, nenge, shi Me er tom u kpilighyol hen ior mban, ka tom u kpilighyol man u cieryol, kwaghfan u mbafankwagh vev una saa ishe, man mkav u mbakavenkwagh vev kpaa una yer kera.

Yesaia 44:18

Ve fa ga, mba henen kwagh ken asema ve kpaa ga, gadia i cir ve ashe sha u vea fatyô u nengen ga kua asema a ve kpaa, sha u vea fatyô u kaven ga yô.

Yesaia 6:9

Nahan A kaa er: Za, za kaa ior mban wer: M-ongo yô, ungwan nen, kpa de kaven nen ga; mnenge kpaa, nengen nen, kpa de kaven nen ga.

Yeremia 5:21

Shi ungwa nen kwagh ne, ne ior mba lanen kwagh man mbakavenkwagh kpaa ga; ne mba ne lu a ashe, kpa ne mba nengen ga; ne mba ne lu a ato, kpa ne ongo ga ne.

Esekiel 12:2

Wan u or, u ngu teman ken atô u ior mba hendan kwagh, mba ve lu a ashe a nengen, kpa ve nengen ga yô, man ve lu a ato a ungwan, kpa ve ongo ga yô; gadia ka ior mba hendan kwagh je.

Mateu 11:25

Hen shighe la Yesu gema kaa er: M ngu sughun We, Tere, Ter u Sha man tar, sha er U yer mbafankwagh man mbakavenkwagh akaa ne, kpa U gem U pase anikundanev a yô.

Mateu 16:17

Yesu gema kaa a na er: Saan we iyol Shimon, wan u Yona, gadia ka or nan pase u nahan ga, kpa ka Terem u A lu Sha la.

Marku 4:11

Nahan A kaa a ve er: Ne yô, i na ne sha u fan kwaghmyer u tartor u Aôndo; kpa mba ken won yô, mba er ve akaa cii sha anzaakaa,

Marku 4:12

sha er: Mnenge yô, ve̱ nenge, kpa ve̱ de kaven ga; sha u ve̱ de gem asema man á de ve asorabo a ve ga yô.

YOHANE 12:40

A pir ve ashe, shi A cighir ve asema kpaa, sha u ve̱ de nengen sha ashe ve ga yô, shi ve̱ de kaven ken ishima man ve̱ gema ishima, M̱ war ve ga.

Mbaromanu 16:25

Un u A lu a agee a̱ taver ne sha ivangeli yam man sha myee u i lu yôôn kwagh u Yesu Kristu man sha mpase u kwaghmyer u a lu ken iuv hii sha ashighe a tsuaa la je zan zan.

1 Mbakorinte 12:11

Kpa akaa ne cii ka Jijingi ne môm A lu eren a ye, A karen hanma or kwar er i doo Un yô.

Duteronomi 29:4

kpa zan zan hegen TER ngu a na ne ishima i kaven man ashe a nengen man ato a ungwan ga.

Mbakolose 2:2

sha u ma i taver ve asema ma i zough ve ken dooshima ma ve fe kwaghmyer u Aôndo, ka Kristu je la.

1 Timoteu 3:16

Mimi je, kwaghmyer u a lu sha mcivir u se civir Aôndo la, vese tsô. I pase Un ken iyol i or ken igbar, i na Un ishô ken Jijingi, mbatyomov mba Shaav nenge a Na, i pase kwagh Na ken atôatyev, i na Un jighjigh sha won, i yem a Na sha ken iengem.