Luka 7:7 - ICIGHAN BIBILO

⁷ ka nahan man m fe mer, m kuma u van hen We iyol yam ga ye; kpa ôr a ôr kwagh tsô, wanakiriki wam kpaa á wanger un iyol.

Luka 7:7 Iomraidhean Croise

Upasalmi 107:20

A tindi mkaanem Nam, A bee ve angev, a due a ve ken mtim kera.

Upasalmi 33:9

Gadia Wen yô, ngu A ôr kwagh, maa i lu nahan je, shi A kaa, maa i tile her dông.

Ekesodu 15:26

A kaa er: Aluer ú waan imo i TER, Aôndo wou, iko a ishima i môm man ú eren kwagh u a lu vough sha ishigh Nagh kpaa, shi ú waan iko sha atindi a Na, man ú ver ishima sha akaawan a Na cii yô, angev mbu M ne Mbaigipiti la, môm tsô kpaa, Me na u ga; gadia ka Mo TER u been we angev.

Marku 1:27

Cier ve iyol cii; tsô ve gba pinen ayol a ve, kaan er: Ka nyi nee? Ka nyi ityesen i he nee? Ujijingi mba hôngorough kpaa A wa ve kwagh sha utaha je, ve ungwa imo Na kpaa.

Luka 4:36

Nahan cier ve iyol ve gba ôron kwagh ayol a ve kaan er: Ka nyi injakwaghôron ne? Gadia ka sha utaha man sha agee A yange ujijingi mba hôngorough man ve dugh ye.

Luka 5:13

Tsô A naregh uwegh, A bende un iyol, A kaa er: M rumun, i̱ wanger we! Fese nahan imande maa bee un.

Luka 7:6

Tsô Yesu za a ve imôngo. Ka kera shin ica a ya la ga yô, torutya la tindi akar a na agen her a Na gba va kaan a Na er: Tere, de eren iyol You ican ga, gadia m kuma u U nyôr hen haav av ga,

Luka 7:8

Gadia mo kpaa, m ngu sha ikev i mbautahav mbagenev je; mo iyol yam kpaa m ngu a mbautyav sha ikev yam; ka mea kaa a ugen mer: Za, kpa nan za je; man shi a ugen mer: Va kpa nan va di je; man shi mea kaa a wanakiriki wam mer: Er nahan, kpa nan er je.

Duteronomi 32:39

Yô, nenge ka Mo je ne, ma aôndo ugen ngu a Mo imôngo ga; ka M wua, M shi M nder; M gber ivav, M shi M er i de kpaa; ma or môm ngu a tahav mbu nana yima ugen sha ikev Yam ga.

1 Samuel 2:6

TER ka A wua, A shi A na uma kpaa; ka A hungwa A or shin Sheol je, shi ka A due a or sha kpaa.