Luka 7:39 - ICIGHAN BIBILO

³⁹ Tsô er Orfarishi u a yila Un iwer la, nenge nahan yô, a ôr kwagh ken ishima na, a kaa er: Aluer Or ne Una lu profeti je yô, ma A kav inja i kwase u a bende Un ave iyol ne, er a lu u asorabo yô.

Luka 7:39 Iomraidhean Croise

2 Utor 5:20

Gehashi wanakiriki u Elisha or u Aôndo la, kaa er: Nenge, terem de Naaman or u Shiria ne, a ngohol kwagh u a ve a mi la ga; yô, er TER A lu u uma ne, me zenda un ijime ayem, me za ngohol kwagh her a na.

Anzaakaa 23:7

Gadia er nan henen ken ishima i nan la, kape nan lu kpaa la; nana kaa a we er: Ya kwagh, ma kwagh, kpa ishima i nan yô, ngi a we ga.

Yesaia 65:5

mba ve kaan er: Tile keela, de manger a mo ga, gayô i tsegham a tsegha je. Mban yô, kam mnyim ken ihinga je, usu u u shi hian didi.

Mateu 20:16

Kape mbamasetyô vea hingir mbahiihii; mbahiihii kpaa vea gema á hingir mbamasetyô la.

Mateu 21:11

Ikpelaior kaa er: Ngun ka profeti Yesu, u A dugh ken Nasareti u ken Galilia la.

Marku 7:21

Gadia ka ken ateghatô ken asema a ior je akaabo a henen, man idya i eren, man iv, man iwooor,

Luka 12:17

Nahan a gba henen ken ishima na, kaan er: Me er nana? Gadia m ngu a ijiir i me ombo iyiav ga.

Luka 15:2

Kpa Mbafarishi man mbangeren gba aun kaa er: Or ne rumun mbaasorabo, ngu yan kwagh a ve je.

Luka 16:3

Tsô wanye la gba kaan ken ishima er: Me er nana er terem a lu dughun mo sha tom u nengen sha inyar ne kera yôô? M ngu a agee a iyolough a me shire sule ga; man shi kunya gema ngu kôron mo sha sen.

Luka 18:4

A zer vendan, kpa ken masetyô yô, a kaa ken ishima na er: Shin er m cie Aôndo ga, or kpaa m we iko ga,

Luka 3:8

Nahan yô, ume nen ase atam a a kom mgemshima yô. De kera gbe kaan ayol a en ner: Se mba a ter wase Aberaham ga, gadia m ngu kaan ne mer, awen ne je kpaa Aôndo Una fatyô u geman a hingir ônov mba Aberaham.

Luka 7:16

Nahan mciem gba ve iyol cii, ve gba civir Aôndo kaan er: Zegeprofeti mough ken vese ve; man shi Aôndo va sôr nongo Na.

Luka 7:37

Kwase ugen ken gar la, u lun a asorabo, za fe er A lu yan kwaghyan ken ya u Orfarishi la yô, a va a tumugh ku mkurem ma human doon.

Luka 7:38

A va tile Un ken ijime hen angahar a Na, a gba vaan, nôndon Un mliam angahar, a ese a sha ice na i sha ityou, a gba susen a, a shighe a mkurem ma human doon mara.

Luka 7:40

Yesu gema kaa a na er: Shimon, kwagh ngum u ma M er a we. A kaa er: Kaa ha, Ortesen.

YOHANE 4:19

Kwase la kaa a Na er: Tere, m kav er U lu profeti ve.

YOHANE 7:12

Man ikpelaior gba unun sha kwagh Na kpishi. Mbagenev kaa er: Ka ormimi je; mbagenev di yô, ve kaa er: Ei, ngu tsumen a tsume a ior.

YOHANE 9:24

Tsô ve shi ve yila un u a vande pirin ashe la myer u sha kwa har, ve kaa a na er: Civir Aôndo! Se yô, se fa Or ne ka orisholibo je.