Luka 7:27 - ICIGHAN BIBILO

²⁷ Ka un je i nger kwagh na er: Nenge, M ngu tindin ortyom Wam sha ishigh You, u una za sôr U gbenda sha hemen yô.

Luka 7:27 Iomraidhean Croise

Yesaia 40:3

Imo gba yilan kaan er: Sôr nen gbenda u TER ken desereti, kôôm nen kômgbenda ken taaikôngo sha ci u Aôndo wase.

Malaki 3:1

Nenge, M ngu tindin ortyom Wam, una sôrom gbenda ken hemen; man Ter u ne keren Un la Una va ken tempel Na fese je, ka Ortyom u ikuryan, u i doo ne a Na yô; nenge, ngu van, kape TER u akum a Sha A kaa ne.

Mateu 11:10

Gadia ka un je i nger kwagh na er: Nenge, M ngu tindin ortyom Wam sha ishigh You; u una sôr U gbenda sha hemen yô.

Marku 1:2

er i nger ken profeti Yesaia nahan er: Nenge, M ngu tindin ortyom Wam sha ishigh You u una sôr U gbenda yô;

Luka 1:76

Man we, wan á yilan we er profeti u Uhembansha; gadia ú zaan Ter sha hemen sha u sôron Un gbenda,

Luka 7:26

Kpa ne za ner, ne za nenge nyi? Ka profeti? Een, M ngu kaan ne, a hemba profeti kpaa.

Luka 7:28

Gadia M kaan ne, mba kasev ve mar ve cii, or môm hemba Yohane icivir ga; nahan kpaa or u sha tartor u Aôndo u nan hembe gban ijime la nan hemba un.

YOHANE 1:23

A kaa er: Mo M ngu imo i oryilan ken taaikôngo, kaan er: Kôôm nen gbenda u Ter jighilaa er profeti Yesaia kaa nahan.