Luka 7:12 - ICIGHAN BIBILO

¹² Za mgbôghom hen hundagar yô, i tôô orkpen i lu duen a mi, lu wan u ngô na môm; un kwase la kpaa lu kwasecôghol. Ikpelaior kpishi i ken gar la kpaa lu a na.

Luka 7:12 Iomraidhean Croise

Genese 22:12

A kaa er: De ze uwegh ough sha wanakiriki ga, shi de eren un ma kwagh kpaa ga; gadia hegen yô, M fa u ngu or u cian Aôndo sha er u nyumum wan wou u môm môm kpaa ga yô.

Genese 22:2

A kaa er: Tôô Isaka wan wou u môm môm u a doo u ishima la, yem ken tar u Moria, za na nagh ku nanden a mi sha uwo ugen u Me tese u yô.

2 Samuel 14:7

Man nenge, ityô cii mough num a kpan wou u kwase ne, ve kaa er: Un u a woo anngô na la, na se un, sé wua sha ci u uma u anngô na u a woo la, sé wua u yan dyako la kpaa, kape i sar ve u pirin mo anikausu u a shim her ne, er nomon a̱ de lu a iti shin tsombor sha won ga.

1 Utor 17:12

Kpa a kaa er: Er TER, Aôndo wou, A lu u uma ne, m ngu a anivurkwaghyan ga saa anmwe shin itye kua anmkure ciôn shin tum tsô; nenge, m ngu sangen ayegheraikon kpuaa mer, me za naha sha ci wam kua wan wam, sé ya, maa sé kpe.

1 Utor 17:18

Nahan a kaa a Eliya er: Ka nyi i zoughom a we, we or u Aôndo? U va her a mo wer, m̱ umbur asorabo am, shi ú wuam wan kpaa!

1 Utor 17:23

Nahan Eliya tôô wanakiriki la, sha iyou i yaven, hungwa a mi va nyôr a mi ken ya la, za na ngô na; Eliya kaa er: Nenge, wan wou ngu uma!

1 Utor 17:9

Mough za ken Sarefati u ken tar u Shidon, za tema ker; nenge, M kaa kwasecôghol u ker Mer, a̱ koson we.

2 Utor 4:16

A kaa er: Inyom á va hurugh á kuman hen shighe ne yô, ú wa wan ikum. A kaa er: Eihe, terem, we or u Aôndo je, de tsughun kpan wou u kwase ga!

2 Utor 4:20

Tsô a tôô un a za a na hen ngô na, a yav un sha ikum zan zan kuma iyange sha tembe nahan, maa a kpe.

Yobu 29:13

Iveren i or u nan mgbôghom u saan ishe la, i haa sha a mo; m er ishima i kwasecôghol i ember yagh yagh.

Sekaria 12:10

Me haa Jijingi u mhôôn man u zamber sha ya u Davidi man sha mba ve tem ken Yerusalem; man vea kenger Mo u ve komom la; vea zungwe Un er or ka nan zungwe wan u nan u môm môm nahan, asema aa vihi ve sha ci Na, er ishima ka i vihi or sha wan u nan u iunda yô.

Luka 7:11

Kper nan yô, A lu zan sha gar ugen u i yilan er, Nain la; mbahenen Nav za a Na, kua ikpelaior kpishi kpaa.

Luka 7:13

Er Ter nenge a Na yô, mhôônom kôr Un a na, A kaa a na er: De vaan ga.

Luka 8:42

gadia un lu a wan u kwase môm tsô, anyom a na lu er pue kar ahar nahan, gema lu nôngon ku. Tsô Yesu ngur zan yô, ikpelaior lu imbishi Un.

Luka 8:52

Ve cii ve lu vaan un, gberen kwelegh. Kpa A kaa er: De kera vaan nen ga, gadia a kpe ga, ka mnyam a yav ye.

YOHANE 11:19

Mbayuda kpishi vande van hen Marta man Maria sha u va yaren ku u anngô ve la.

Aerenakaa A Mbaapostoli 9:39

Tsô Peteru mough, gba yemen a ve imôngo. Za ar yô, ve unde a na sha iyou i sha. Kasev mba côgholov cii tile a na, lu vaan tesen uriga man akondo a Tabita lu kor, zum u lu a ve imôngo her yô.

Aerenakaa A Mbaapostoli 9:41

A kôr un sha uwe, a mough a na sha. Tsô a yila uicighanmbaiorov man kasev mba côgholov, a gema un uma a na ve.

Yakobu 1:27

Mcieaôndo u wang u a lu a acôghol iyol sha ishigh ki Aôndo ga yô, ka un ne: ka u za sôron ancôgholov kua kasev mba côgholov ken ican ve, man shi u kuran iyol you wang sha kwagh u taregh.